Björgunarsveitir munu áfram leita að Birnu Brjánsdóttur á og við vegaslóða á Reykjanesi nú síðdegis og fram eftir kvöldi. Þetta kemur fram í tilkynningu frá Slysavarnafélaginu Landsbjörg.
Í tilkynningu segir að aðgerðastjórn björgunarsveitanna vinni „náið með lögreglu að leitinni og vinnur meðal annars úr þeim fjölda vísbendinga sem lögreglunni hefur borist vegna málsins. Leitarsvæði björgunarsveitanna hafa verið ákvörðuð út frá þessum vísbendingum almennings.“
Tveir skipverjar af grænlenska togaranum Polar Nanoq hafa verið úrskurðaðir í gæsluvarðhald, grunaðir um aðild að hvarfi Birnu sem hefur verið saknað síðan á aðfaranótt laugardags.
Einn skipverji til viðbótar var handtekinn í gær og er í haldi lögreglu en ekki hefur verið tekin ákvörðun um hvort farið verði fram á gæsluvarðhald yfir honum.
Leita áfram að Birnu við vegaslóða á Reykjanesi
Tengdar fréttir
Nær útilokað að farsíminn finnist í snjónum
Sex manns með þrjá hunda eru að hefja leit að Birnu Brjánsdóttur, sem saknað hefur verið frá því á laugardag, á Strandarheiði.
Leitin að Birnu: Lögreglu bárust yfir þúsund ábendingar í gegnum samfélagsmiðla á einum degi
Lögregla hefur tekið á móti gríðarlegum fjölda skilaboða og ábendinga á samfélagsmiðlum vegna leitarinnar að Birnu Brjánsdóttur sem hvarf sporlaust á aðfaranótt laugardags
Hlé gert á leit á Strandarheiði
Hlé hefur verið gert á leit björgunarsveita á Srandarheiði.
