Saga rallsins á Íslandi í 40 ár í bíó

Bragi Þórðarson hefur unnið metnaðarfullt mynd um sögu rallaksturs á Íslandi sem spannar 40 ár. Bragi byrjaði að vinna að þessari mynd fyrir tæpu ári. Í myndinni eru viðtöl við alla helstu keppendur í 40 ára rallsögunni en myndin er skipt upp í fjögur 10 ára tímabil.

Myndin sem sýnd verður í bíó Paradís laugardaginn 10. desember verður tveggja tíma löng en sennilegt er að styttri útgáfa verður sýnd á RÚV í komandi framtíð. Fjallað er ítarlega um rallsöguna hér á landi, allt frá því rallið byrjaði árið 1975 en þá mátti meðal annars ekki aka yfir hámarkshraða á sérleiðum.

Einnig er fjallað um helstu þróun, bæði í reglum, bílum, öruggisbúnaði og fleira. Helstu styrktaraðilar myndarinnar er Askja, DS Lausnir, Bíljöfur, Bílar og Hjól, Bílbót, Green Diamond og Iðnvélar. Allt eru þetta fyrirtæki sem tengjast rallinu þar sem eigendur eða starfsmenn þeirra hafa verið að keppa.