Kjartan Henry hafði betur gegn Óla Kristjáns og Hannesi

Kjartan Henry Finnbogason og félagar í Horsens unnu góðan, 1-0, sigur á lærisveinum Ólafs Kristjánssonar í Randers í dönsku úrvalsdeildinni í dag.

Hannes Þór Halldórsson var í marki Randers í dag og fékk hann á sig mark þegar Andre Bjerregaard skoraði eina mark leiksins á 54. mínútu.

Kjartan Henry fékk gult spjald á 64. mínútu og var stuttu síðar tekinn af velli. Randers er í fimmta sæti dönsku deildarinnar með 23 stig og Horsens er í því 6. með 21 stig.

FCK er sem fyrr í efsta sæti deildarinnar með 29 stig.