Færri kosið utan kjörfundar en fyrir síðustu alþingiskosningar

Tæplega þrjátíu þúsund manns hafa kosið utankjörfundar hjá sýslumönnum um land allt og hjá sendiráðum. Það er minni kjörsókn utankjörfundar en í síðustu Alþingiskosningum en þá höfðu tæplega þrjátíu og fimm þúsund kosið á sama tíma samkvæmt upplýsingum frá Þjóðskrá Íslands.

Árið 2013 kusu samtals 34.747 þúsund utankjörfundar en í ár hafa 29.679 kosið utankjörfundar. Mikið hefur þó verið að gera á utan kjörfundarstöðum í vikunni en alls hafa 21.247 kosið í vikunni. Var það töluverð aukning frá síðustu viku þegar 5.525 kusu utan kjörfundar.

Kjörstaðir opna víðast hvar á landinu klukkan níu í fyrramálið.