Dansað með Stellu McCartney

Það er alltaf gaman að fylgjast með sýningum Stellu McCartney og gestir sýningar hennar í dag urðu ekki fyrir vonbrigðum. Hönnuðurinn er þekktur fyrir að fanga kvenleikann í fatnaðinum sínum og var engin undantekning á því núna, þó að þægindin voru augljóslega í fyrirrúmi.

Sem er kannski ekki skrýtið þar sem í lok sýningarinnar byrjuðu allar fyrirsætur að dansa, öskra, hoppa og síðast en ekki síst hafa gaman. Þetta smitaðist út í áhorfendahópinn en það var mál manna að sýningin hafi verið hápunkturinn á tískuvikunni í París. 

McCartney er þekkt fyrir að vera mjög meðvituð um umhverfisvernd í framleiðslu á fatnaði sínum og hún notar til að mynda ekkert leður í fatalínur sínar. Nú gekk hún skrefinu lengra með því að prenta einskonar vegan áróður á boli, peysur og kjóla. 

The super fun @stellamccartney model dance-off choreographed by @blancalioficial. See the full collection on VogueRunway.com. Video by @nicolephelps. #PFW

A video posted by Vogue Runway (@voguerunway) on Oct 3, 2016 at 6:16am PDT