Björn Daníel Sverrisson og Theodór Elmar Bjarnason voru báðir í byrjunarliði AGF sem tapaði 2-1 fyrir OB á útivelli í dönsku úrvalsdeildinni í fótbolta í kvöld.
Þetta var annað tap AGF í röð og það þriðja í síðustu fjórum leikjum. Liðið er í 10. sæti deildarinnar með 12 stig.
Frederik Tingager og Rasmus Jonsson komu OB í 2-0 en Mustafa Amini minnkaði muninn fyrir AGF 12 mínútum fyrir leikslok.
Elmar lék allan leikinn fyrir AGF en Björn Daníel fór af velli á 63. mínútu.
Rúnar Alex Rúnarsson sat allan tímann á varamannabekknum þegar Nordsjælland gerði 2-2 jafntefli við Silkeborg á útivelli. Nordsjælland er í 9. sæti deildarinnar með 12 stig.
Í sænsku úrvalsdeildinni vann Hammarby sinn þriðja sigur í síðustu fjórum leikjum þegar liðið sótti Helsingborg heim. Lokatölur 0-1, Hammarby í vil.
Ögmundur Kristinsson var á sínum stað í marki Hammarby og Birkir Már Sævarsson og Arnór Smárason voru einnig í byrjunarliðinu.
Hammarby er í 8. sæti deildarinnar með 35 stig en liðinu hefur gengið vel að undanförnu.
AGF í niðursveiflu | Góður sigur Hammarby
Ingvi Þór Sæmundsson skrifar

Mest lesið


Sniðganga var rædd innan HSÍ
Handbolti




Besta-spáin 2025: Stoppa stutt við eftir langa eyðimerkurgöngu
Íslenski boltinn

„Þið eruð ekki nógu duglegar að tuða í dómurunum“
Íslenski boltinn

Brady óskaði Willum, Alfonsi og félögum til hamingju
Enski boltinn


Besta-spáin 2025: Þurfa aftur fimm réttar og jóker
Íslenski boltinn