Tveir af hverjum þremur vistvænu bílum á Íslandi seldir hjá HEKLU

Tveir af hverjum þremur vistvænu bílum sem seldir eru á Íslandi eru frá HEKLU samkvæmt nýjustu tölum. Það sem af er ári hafa 766 vistvænir bílir selst á Íslandi og af þeim hefur HEKLA selt 502 bíla, eða 65,54% allra bíla. Næsta fyrirtæki er með 14,75% og það þriðja söluhæsta með 8,5%. Langsöluhæsti bíllinn í flokki vistvænna bíla er Volkswagen en 295 slíkir hafa verið seldir það sem af er árinu 2016.

„Það er óhætt að fullyrða að Volkswagen sé með mikla yfirburði í þessum flokki en fyrirtækið býður upp á fjölmargar tegundir eins og e-Golf og Golf Metan og ekki má gleyma VW Passat og VW Up! sem einnig er hægt að fá í vistvænni útgáfu,“ segir Árni Þorsteinsson, sölustjóri Volkswagen hjá HEKLU.

HEKLA býður upp á mikið úrval vistvænna bíla en alls er hægt að fá yfir 40 mismunandi bíltegundir í vistvænum flokki frá Volkswagen, Audi, Mitsubishi og Skoda en þessir bílar flokkast sem visthæfir og er því hægt að leggja gjaldfrjálst í gjaldskyld bílastæði hjá Reykjavíkurborg.

Nýjasti bíllinn frá HEKLU sem smellpassar í vistvænu flóruna hjá HEKLU er Audi Q7 e-tron quattro sem frumsýndur var um síðustu helgi og hefur þegar slegið sölumet í sínum flokki en um 30 bílar voru seldir áður en þeir komu til landsins.