Sá stærsti úr Ytri Rangá í sumar

Veiðin í Ytri Rangá heldur áfram að vera fantagóð og er áinn sú langhæsta á aflatölulista sumarsins.

Það veiðast ekki bara smálaxar í Ytri Rangá en það hefur sjaldan verið jafn gott hlutfall tveggja ára laxa í henni eins og í sumar.  Það hefur þó ekki, samkvæmt okkar heimildum, tekist að landa laxi yfir 100 sm fyrr en í fyrradag en þá var stærsti lax sem hefur veiðst í ánni dreginn á land í Gutlfossbreiðu sem er einn efsti veiðistaðurinn í ánni.

Eins og sjá má á meðfylgjandi myndum er þetta rígvænn og sver hausthængur sem er kominn í hrygningarskrúða.  Laxinn var 104 sm að lengd og var vigtaður 11 kíló.  Það sást einn stærðarlax í þrepunum í laxastiganum í Ægissíðufossi í sumar og spurning hvort að þetta sé sá höfðingi?  Ef þetta er ekki hann þá er annar svona og örugglega fleiri sem bíða eftir agni veiðimanna við Ytri Rangá í haust.