Eystri Rangá komin í 2000 laxa

Eystri Rangá fór feyknavel af stað í byrjun sumars í klakveiðinni og framhaldið hefur ekki verið síðra.

Það hefur verið einstaklega gott hlutfall af tveggja ára laxi í Eystri Rangá og það er ekki auðveldlega komið tölu á laxa sem eru yfir 85 sm í veiðibókinni.  Í gær kom svo lax númer 2.000 á land en það var erlendur veiðimaður sem naut liðsinnis Arnórs Laxfjörð, sem er leiðsögumaður við Eystri, sem landaði grálúsugum 80 sm hæng en sá tók Bizmo á Dýjanesbreiðu.  Alls komu 27 laxar á land í gær og hefur veiðin síðustu daga verið nokkuð jöfn.  SMálaxinn hefur verið að sýna sig í auknum mæli sem er vonandi vísir á að það haldist góð veiði út tímabilið.  Skilyrðin hafa verið mjög góð og gaman að segja frá því að litlu flugurnar eru ekki að gefa stóru túpunum neitt eftir.