Umfjöllun, viðtöl myndir og einkunnir: Víkingur R. - Þróttur 2-0 | Tvö Víkingsmörk í uppbótartíma Stefán Árni Pálsson á Víkingsvelli skrifar 18. júlí 2016 21:45 Varamaðurinn Óttar Magnús Karlsson átti frábæra innkomu í lið Víkings þegar liðið vann 2-0 sigur á Þrótti í lokaumferð 11. umferðar Pepsi-deildar karla.Eyþór Árnason, ljósmyndari Vísis og Fréttablaðsins, var á leiknum í kvöld og náði þessum myndum hér fyrir ofan. Bæði mörk Víkinga komu í uppbótartíma leiksins en það fyrra skoraði Óttar Magnús Karlsson með frábæru langskoti. Þróttarar voru alls ekki lakara liðið í þessum leik og sköpuðu sér hættulegri færi en Víkingar. Þeir náðu ekki að nýta þau og horfðu síðan upp á Víkinga stela sigrinum í lokin. Milos Milojevic, þjálfari Víkinga, átti ás upp í erminni í Óttari Magnúsi og það breytti miklu fyrir Víkingsliðið þegar Óttar kom inná.Af hverju vann Víkingur ?Víkingar unnu þennan leik á reynslu, formi leikmanna og skiptingu Milos Milojevic. Þjálfarinn setti Óttar Magnús inn á völlinn á hárréttum tíma. Gaf honum tuttugu mínútur og ungur strákur eins og hann getur hlaupið endalaust í tuttugu mínútur. Þróttararnir voru bensínlausir undir lokin og þá fer einbeitingin fyrst. Fótbolti er alltaf sanngjörn íþrótt og betra liðið vinnur alltaf. Þetta snýst bara um að skora mörk.Þessir stóðu upp úrÓttar Magnús Karlsson var frábær í liði Víkinga í kvöld og breytti algjörlega gangi leiksins eftir að hann kom inn á. Það var allt annað sjá til heimamann sóknarlega eftir að hann kom inn á. Þróttarar vörðust vel í kvöld og tölurnar gefa ekki rétta mynd af gangi leiksins.Hvað gekk illa?Þróttarar fengu færi en rétt eins og svo oft áður í vetur þá nýttu þeir þau ekki. Það verður að lagast hjá liðinu og ekki seinna en í gær. Björgvin Stefánsson var sprækur en þjónustan sem hann fékk í kvöld var ekki mikil. Víkingar þurfa einnig að skoða sinn leik. Sóknarlega voru þeir mjög daprir fyrstu sjötíu mínúturnar og verða að skoða það.Hvað gerist næst?Þróttarar fara í mjög erfitt verkefni og það er Kaplakriki og mætir liðið þar FH. Maður sér ekki að liðið geti náð í stig þar en maður veit aldrei í fótbolta. Víkingar mæta KR í Reykjavíkurslagnum eftir viku. Þar verður allt undir en liðin eru ekki langt frá hvort öðru í deildinni. Milos: Óttar er ekki bara sætur, heldur líka góður í fótboltaMilosvísir/anton„Ég er alveg gríðarlega ánægður og frábært að sjá Óttar skora þetta mark og koma okkur í lykilstöðu,“ segir Milos Milojevic, þjálfari Víkinga, eftir leikinn. „Það eina sem ég sagði við hann áður en ég setti hann inn á væri að njóta þess að spila fótbolta og hafa gaman af,“ segir Milos en hann setti Óttar Magnús Karlsson inn á 72. mínútu og kom hann Víkingum á bragðið. „Hann gerði frábæra hluti þegar hann kom inn á og breytti flæðinu í sóknarleik okkar. Hann er ekki bara góður út af því að hann er sætur, hann er bara góður í fótbolta. Engu að síður var þetta ekki góður leikur hjá okkur og þessi tvö mörk eru ekki að fara rugla mig í ríminu, við vorum lélegir og Þróttarar voru bara einfaldlega betri en við í kvöld.“ Milos segir að lið Þróttara sé í raun mjög gott. „Þeir eru sumir öskufljótir og maður þarf að sýna þolinmæði á móti þeirra varnarleik. Ég er ánægur með formið á okkur og kannski eru þessi rauðu spjöld búin að hjálpa mínum mönnum að vera í góðu formi. Ég held að það hafi verið munurinn á liðunum undir lokin, við erum í betra formi.“ Milos segir að allir hafi verið meðvitaðir um mikilvægi leiksins. „Það var búið að tala um að þetta væri sex stiga leikur, ég veit ekki með það, ég hef aldrei fengið sex stig fyrir að vinna fótboltaleik.“ Óttar: Ég fann á mér að ég væri að fara gera eittvaðÓttar skoraði laglegt mark í kvöld.vísir/tom„Þetta var geggjað og gaman að klára þetta svona undir lokin,“ segir Óttar Magnús Karlsson, markaskorari Víkinga, eftir sigurinn í kvöld. „Ég fann eitthvað á mér að ég myndi eiga góðan leik þegar ég kom inn á og það heppnaðist sem betur fer.“ Óttar segist hafa verið klár um leið og kallið kom frá Milos. „Við vorum að pressa þá mjög stíft undir lokin og það var í raun bara spurning hvenær markið myndi koma.“ Óttar fékk boltann fyrir utan vítateig, lagði hann fyrir sig á vinstri og þrumaði honum í netið. „Ég náði það góðri snertingu að ég ákvað bara að leggja hann fyrir mig og skjóta. Af hverju ekki að láta bara vaða.“ Ryder: Mjög öruggur um það að við eigum eftir að bjarga okkurvísir/eyþór„Ég sagði bara við strákana eftir leik að ég gæti ekki sagt neitt til að láta þeim líða betur og að þeir hefðu lagt gjörsamlega allt í þennan leik,“ segir Gregg Ryder, þjálfari Þróttar, eftir tapið. „Ég veit að þegar maður er á botninum í deildinni er maður þar því maður er ekki með nægilega mörg stig en við áttum alls ekki skilið að tapa þessum leik í kvöld.“ Ryder segir að liðið hafi verið vel skipulagt í kvöld og leikmenn Þróttar hafi lagt sig ótrúlega mikið fram. „Ég á eftir að sjá markið aftur en ég held að þetta hafi bara verið frábært mark hjá Óttari. Ef markmaður okkar hefði átt að gera betur, munum við bara fara yfir það og hann mun bæta sig. Ég þarf líka að sjá hvort hann hafi fengið nægilega mikla pressu á sig þegar hann fer í skotið.“ Ryder segir að liðið hafi skapað sér fín færi og hann sjái fyrir sér að mörkin fari að detta inn núna. „Ég var almennt mjög ánægður með alla leikmenn liðsins í kvöld. Þá sem komu inn af bekknum og bara alla.“ Hann segir að það sé nóg eftir af mótinu. „Við eigum enn eftir að spila fyrir 33 stigum og við eigum eftir að verða sterkari. Það eru komnir inn betri leikmenn og ég er mjög öruggur um það að við eigum eftir að bjarga okkur.“Víkingurinn Alex Freyr Hilmarsson með boltann í kvöld.Vísir/Eyþór Pepsi Max-deild karla Mest lesið Bein útsending: Bakgarðshlaupið í Heiðmörk Sport McGregor fær ekki keppinaut fyrr en hann er leikfær á ný Sport „Átum þá lifandi í fyrri hálfleik“ Enski boltinn Norris á ráspól í Singapúr Formúla 1 „Það hlaut að koma að því“ Íslenski boltinn Fínn leikur Íslendinganna í Þýskalandi dugði ekki til Handbolti Jafnt hjá PSG og Galatasaray vann stórleikinn í Tyrklandi Fótbolti Setja pressu á Barcelona með sigri Fótbolti Uppgjörið: KA bikarmeistari í fyrsta sinn Íslenski boltinn „Ekki jafn auðvelt og lokatölurnar gáfu til kynna“ Enski boltinn Fleiri fréttir „Við fórum beint úr því að vera ömurlegir í frábærir“ „Það hlaut að koma að því“ Uppgjörið: KA bikarmeistari í fyrsta sinn Selfoss og KFA mætast í úrslitum „Er ekki bara kominn tími til að breyta þessu?“ „Okkar að stöðva drauma þeirra í fæðingu“ UEFA sé að missa þolinmæðina gagnvart Íslandi Iðrast gjörða sinna: „Var klárlega rangt af mér“ Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Seinna spjaldið var ekki viljandi: „Er bara pirraður og missi hausinn“ Uppgjörið: Afturelding - Fjölnir 3-1 | Brenndu víti en tóku tveggja marka forystu Húbba Búbba kippt af dagskrá: „Það eina sem ég spila í Víkinni er fótbolti“ Eftirsjá Gary Martin: „Mín skoðun, fólk mun ekki vera sammála henni“ Utan vallar: Total-fótboltamaðurinn sem rétti Blikakúrsinn „Ég á Íslandi líf mitt að þakka“ Stúkan: „Sama hvað hann gerir ekki gefa honum gult spjald“ Keflavík í góðri stöðu „Mér finnst að allar þessar krúsídúllur eigi að bíða“ Þóra vonar að Tinna finni sér annað lið: „Kæmi mér á óvart ef það yrði ekki slegist um hana“ Flestir mæta á heimaleiki Blika Sjáðu heimsókn Nabblans á Meistaravelli Svona raðast leikirnir í Bestu deild karla Björn Daníel brattur: „Ætli þetta sé ekki hrörnun vöðvanna sökum aldurs?“ Sjáðu mörkin úr stórsigrum Vals og Víkings Rifjuðu upp þegar Gummi spurði strákana eftir tvær umferðir hvort KR gæti orðið meistari Lárus Orri ekki enn búinn að fyrirgefa Graham Potter: „Hann var svolítið linur“ Rúnar Páll: Fáránlega mikið af mörkum á okkur sem boðar ekki gott Aron: Að það þurfi tæklingu til þess að kveikja á liðinu finnst mér lélegt Sjá meira
Varamaðurinn Óttar Magnús Karlsson átti frábæra innkomu í lið Víkings þegar liðið vann 2-0 sigur á Þrótti í lokaumferð 11. umferðar Pepsi-deildar karla.Eyþór Árnason, ljósmyndari Vísis og Fréttablaðsins, var á leiknum í kvöld og náði þessum myndum hér fyrir ofan. Bæði mörk Víkinga komu í uppbótartíma leiksins en það fyrra skoraði Óttar Magnús Karlsson með frábæru langskoti. Þróttarar voru alls ekki lakara liðið í þessum leik og sköpuðu sér hættulegri færi en Víkingar. Þeir náðu ekki að nýta þau og horfðu síðan upp á Víkinga stela sigrinum í lokin. Milos Milojevic, þjálfari Víkinga, átti ás upp í erminni í Óttari Magnúsi og það breytti miklu fyrir Víkingsliðið þegar Óttar kom inná.Af hverju vann Víkingur ?Víkingar unnu þennan leik á reynslu, formi leikmanna og skiptingu Milos Milojevic. Þjálfarinn setti Óttar Magnús inn á völlinn á hárréttum tíma. Gaf honum tuttugu mínútur og ungur strákur eins og hann getur hlaupið endalaust í tuttugu mínútur. Þróttararnir voru bensínlausir undir lokin og þá fer einbeitingin fyrst. Fótbolti er alltaf sanngjörn íþrótt og betra liðið vinnur alltaf. Þetta snýst bara um að skora mörk.Þessir stóðu upp úrÓttar Magnús Karlsson var frábær í liði Víkinga í kvöld og breytti algjörlega gangi leiksins eftir að hann kom inn á. Það var allt annað sjá til heimamann sóknarlega eftir að hann kom inn á. Þróttarar vörðust vel í kvöld og tölurnar gefa ekki rétta mynd af gangi leiksins.Hvað gekk illa?Þróttarar fengu færi en rétt eins og svo oft áður í vetur þá nýttu þeir þau ekki. Það verður að lagast hjá liðinu og ekki seinna en í gær. Björgvin Stefánsson var sprækur en þjónustan sem hann fékk í kvöld var ekki mikil. Víkingar þurfa einnig að skoða sinn leik. Sóknarlega voru þeir mjög daprir fyrstu sjötíu mínúturnar og verða að skoða það.Hvað gerist næst?Þróttarar fara í mjög erfitt verkefni og það er Kaplakriki og mætir liðið þar FH. Maður sér ekki að liðið geti náð í stig þar en maður veit aldrei í fótbolta. Víkingar mæta KR í Reykjavíkurslagnum eftir viku. Þar verður allt undir en liðin eru ekki langt frá hvort öðru í deildinni. Milos: Óttar er ekki bara sætur, heldur líka góður í fótboltaMilosvísir/anton„Ég er alveg gríðarlega ánægður og frábært að sjá Óttar skora þetta mark og koma okkur í lykilstöðu,“ segir Milos Milojevic, þjálfari Víkinga, eftir leikinn. „Það eina sem ég sagði við hann áður en ég setti hann inn á væri að njóta þess að spila fótbolta og hafa gaman af,“ segir Milos en hann setti Óttar Magnús Karlsson inn á 72. mínútu og kom hann Víkingum á bragðið. „Hann gerði frábæra hluti þegar hann kom inn á og breytti flæðinu í sóknarleik okkar. Hann er ekki bara góður út af því að hann er sætur, hann er bara góður í fótbolta. Engu að síður var þetta ekki góður leikur hjá okkur og þessi tvö mörk eru ekki að fara rugla mig í ríminu, við vorum lélegir og Þróttarar voru bara einfaldlega betri en við í kvöld.“ Milos segir að lið Þróttara sé í raun mjög gott. „Þeir eru sumir öskufljótir og maður þarf að sýna þolinmæði á móti þeirra varnarleik. Ég er ánægur með formið á okkur og kannski eru þessi rauðu spjöld búin að hjálpa mínum mönnum að vera í góðu formi. Ég held að það hafi verið munurinn á liðunum undir lokin, við erum í betra formi.“ Milos segir að allir hafi verið meðvitaðir um mikilvægi leiksins. „Það var búið að tala um að þetta væri sex stiga leikur, ég veit ekki með það, ég hef aldrei fengið sex stig fyrir að vinna fótboltaleik.“ Óttar: Ég fann á mér að ég væri að fara gera eittvaðÓttar skoraði laglegt mark í kvöld.vísir/tom„Þetta var geggjað og gaman að klára þetta svona undir lokin,“ segir Óttar Magnús Karlsson, markaskorari Víkinga, eftir sigurinn í kvöld. „Ég fann eitthvað á mér að ég myndi eiga góðan leik þegar ég kom inn á og það heppnaðist sem betur fer.“ Óttar segist hafa verið klár um leið og kallið kom frá Milos. „Við vorum að pressa þá mjög stíft undir lokin og það var í raun bara spurning hvenær markið myndi koma.“ Óttar fékk boltann fyrir utan vítateig, lagði hann fyrir sig á vinstri og þrumaði honum í netið. „Ég náði það góðri snertingu að ég ákvað bara að leggja hann fyrir mig og skjóta. Af hverju ekki að láta bara vaða.“ Ryder: Mjög öruggur um það að við eigum eftir að bjarga okkurvísir/eyþór„Ég sagði bara við strákana eftir leik að ég gæti ekki sagt neitt til að láta þeim líða betur og að þeir hefðu lagt gjörsamlega allt í þennan leik,“ segir Gregg Ryder, þjálfari Þróttar, eftir tapið. „Ég veit að þegar maður er á botninum í deildinni er maður þar því maður er ekki með nægilega mörg stig en við áttum alls ekki skilið að tapa þessum leik í kvöld.“ Ryder segir að liðið hafi verið vel skipulagt í kvöld og leikmenn Þróttar hafi lagt sig ótrúlega mikið fram. „Ég á eftir að sjá markið aftur en ég held að þetta hafi bara verið frábært mark hjá Óttari. Ef markmaður okkar hefði átt að gera betur, munum við bara fara yfir það og hann mun bæta sig. Ég þarf líka að sjá hvort hann hafi fengið nægilega mikla pressu á sig þegar hann fer í skotið.“ Ryder segir að liðið hafi skapað sér fín færi og hann sjái fyrir sér að mörkin fari að detta inn núna. „Ég var almennt mjög ánægður með alla leikmenn liðsins í kvöld. Þá sem komu inn af bekknum og bara alla.“ Hann segir að það sé nóg eftir af mótinu. „Við eigum enn eftir að spila fyrir 33 stigum og við eigum eftir að verða sterkari. Það eru komnir inn betri leikmenn og ég er mjög öruggur um það að við eigum eftir að bjarga okkur.“Víkingurinn Alex Freyr Hilmarsson með boltann í kvöld.Vísir/Eyþór
Pepsi Max-deild karla Mest lesið Bein útsending: Bakgarðshlaupið í Heiðmörk Sport McGregor fær ekki keppinaut fyrr en hann er leikfær á ný Sport „Átum þá lifandi í fyrri hálfleik“ Enski boltinn Norris á ráspól í Singapúr Formúla 1 „Það hlaut að koma að því“ Íslenski boltinn Fínn leikur Íslendinganna í Þýskalandi dugði ekki til Handbolti Jafnt hjá PSG og Galatasaray vann stórleikinn í Tyrklandi Fótbolti Setja pressu á Barcelona með sigri Fótbolti Uppgjörið: KA bikarmeistari í fyrsta sinn Íslenski boltinn „Ekki jafn auðvelt og lokatölurnar gáfu til kynna“ Enski boltinn Fleiri fréttir „Við fórum beint úr því að vera ömurlegir í frábærir“ „Það hlaut að koma að því“ Uppgjörið: KA bikarmeistari í fyrsta sinn Selfoss og KFA mætast í úrslitum „Er ekki bara kominn tími til að breyta þessu?“ „Okkar að stöðva drauma þeirra í fæðingu“ UEFA sé að missa þolinmæðina gagnvart Íslandi Iðrast gjörða sinna: „Var klárlega rangt af mér“ Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Seinna spjaldið var ekki viljandi: „Er bara pirraður og missi hausinn“ Uppgjörið: Afturelding - Fjölnir 3-1 | Brenndu víti en tóku tveggja marka forystu Húbba Búbba kippt af dagskrá: „Það eina sem ég spila í Víkinni er fótbolti“ Eftirsjá Gary Martin: „Mín skoðun, fólk mun ekki vera sammála henni“ Utan vallar: Total-fótboltamaðurinn sem rétti Blikakúrsinn „Ég á Íslandi líf mitt að þakka“ Stúkan: „Sama hvað hann gerir ekki gefa honum gult spjald“ Keflavík í góðri stöðu „Mér finnst að allar þessar krúsídúllur eigi að bíða“ Þóra vonar að Tinna finni sér annað lið: „Kæmi mér á óvart ef það yrði ekki slegist um hana“ Flestir mæta á heimaleiki Blika Sjáðu heimsókn Nabblans á Meistaravelli Svona raðast leikirnir í Bestu deild karla Björn Daníel brattur: „Ætli þetta sé ekki hrörnun vöðvanna sökum aldurs?“ Sjáðu mörkin úr stórsigrum Vals og Víkings Rifjuðu upp þegar Gummi spurði strákana eftir tvær umferðir hvort KR gæti orðið meistari Lárus Orri ekki enn búinn að fyrirgefa Graham Potter: „Hann var svolítið linur“ Rúnar Páll: Fáránlega mikið af mörkum á okkur sem boðar ekki gott Aron: Að það þurfi tæklingu til þess að kveikja á liðinu finnst mér lélegt Sjá meira