Innlent

Þór Saari orðinn Pírati

Kolbeinn Tumi Daðason skrifar
Þór Saari sat á þingi fyrir Borgarahreyfinguna og síðar Hreyfinguna á árunum 2009 til 2013.
Þór Saari sat á þingi fyrir Borgarahreyfinguna og síðar Hreyfinguna á árunum 2009 til 2013. Vísir/GVA
„Hó! Hó! Hó!“ segir Þór Saari, fyrrum þingmaður Borgarahreyfingarinnar sem genginn er til liðs við Pírata. Þetta upplýsir Þór á Facebook og segist hafa kynnt sér gaumgæfilega fyrir hvað Píratar standi. Og líst vel á.

 „Skráði mig í Pírata í dag. Hef lesið grunnstefnuna, stefnumálin, kóðann og lögin og er að ég held sammála nánast öllu því sem þar stendur,“ segir Þór.

 Hann upplýsir að í fyrsta skipti sé hann í stjórnmálahreyfingu sem hann hafi ekki stofnað sjálfur en Þór gegndi einnig formennsku hjá þingflokki Hreyfingarinnar á sínum tíma. 

 „Það kallar á ákveðna nálgun og auðmýkt, en vonandi get ég orðið að gagni.“

 Píratar mælast með 24,3% fylgi í nýjustu könnun MMR en niðurstöður hennar voru birtar í gær. Flokkurinn er með svipað fylgi og Sjálfstæðisflokkurinn sem mældist með 25,3% fylgi. Gengið verður til kosninga í október en á dögunum greindi Helgi Hrafn Gunnarsson frá því að hann gæfi ekki kost á sér sem þingmaður í komandi kosningum.

Alþingi Kosningar 2016

Tengdar fréttir

Framsókn missir helming fylgisins

Sjálfstæðisflokkurinn er stærsti flokkur landsins samkvæmt nýrri könnun MMR og tekur toppsætið af Pírötum.

Mest lesið


Fleiri fréttir

Sjá meira


×

Mest lesið