Grjótá og Tálmi gáfu 14 laxa í tveggja daga holli

Grjótá og Tálmi hefur hingað til verið þekkt sem síðsumars veiðisvæði og það hefur ekki verið mikið sótt í júní dagana.

Það á líklega eftir að breytast því staðan í íslenskum veiðiám er allt annað en veiðimenn eiga að þekkja og fordæmin fyrir þeim opnunum sem hafa þegar átt sér stað engin.  Það virðist vera töluvert af laxi kominn upp í Grjótá og Tálma enda sést það á veiðitölum frá öðru hollinu sem var við veiðar núna í loka vikunnar.  Það var mikið líf og auk laxa sem náðust á land sluppu líklega jafn margir en takan var stundum heldur grönn.

Það breytir því ekki að á tveimur dögum var fjórtán löxum landað á aðeins tvær stangir og það er besta byrjun frá upphafi.  Það er gott gönguvatn á svæðinu svo laxinn á greiða leið upp eftir ánni og veiðimenn eru sammála um að það magn af laxi sem sé þegar kominn á svæðið sé svipað og menn eiga að venjast á besta tíma.