Veiðin í Hítarvatni fer vel af stað

Fyrstu fréttir úr Hítarvatni eru góðar og þeir sem hafa þegar kíkt í vatnið hafa gert ágæta veiði.

Dæmi eru um að tveir veiðimenn saman hafi verið með 30 fiska eftir daginn og það hafa nokkrir aðrir verið nálægt því.  Það er þó alveg óhætt að segja að það hafi ekki verið nein umferð við vatnið ennþá að neinu ráði svo góðar fréttir frá fáum veiðimönnum sem þó skreppa í vatnið eru að sanni góðar fréttir.  Besti tíminn í vatninu er gjarnan júní og aðeins inní júli en það fer mikið eftir veðri.  Það er t.d. algengt þegar mjög heit sumur skella á vesturlandinu að veiðin í Hítarvatni verður þá oft mjög góð þar kaldar uppsprettur eru í vatninu og þar sem lækur renna í vatnið.

Það sem gerist við þessi skilyrði er að silungurinn safnast saman í torfur í kalda vatnið og getur við þau skilyrði oft tekið ansi vel.  Bestu flugurnar í vatninu eru t.d. Krókurinn, Peacock, Taylor, Black Pennel og Alma Rún.  Ef þú ætlar að veiða á beitu er ekki ekki mælt með því að gera það hraunsmegin þar sem mikið af festum eru í vatninu þeim megin.