3,2 milljónir Renault Kangoo

Á dögunum rúllaði milljónasti sendibíllinn af annarri kynslóð Rrenault Kangoo af færibandinu í verksmiðju fyrirtækisins í Maubeuge í Frakklandi. Kangoo kom fyrst fram á sjónarsmiðið árið 1998 og hafa meira en 3,2 milljónir eintaka verið framleiddar síðan þá, eða hátt í 200 þúsund eintök á ári að meðaltali.

Önnur kynslóð þessa vinsæla borgarsendibíls kom á markað árið 2007 og nýlega hlaut hann lítilsháttar andlitsupplyftingu á framenda í samræmi við nýjustu öryggiskröfur auk þess sem Kangoo er nú einnig boðinn í rafmagnsútfærslu.

Sá mest seldi í 18 ár

Renault Kangoo þjónar fjölbreyttum hópi viðskiptavina með ólíkar þarfir og því er ekki að undra þótt á fjórðu milljón eintaka hafi verið framleiddar af þessum hagkvæma atvinnubíl frá því að hann kom á markað fyrir átján árum. Renault býður fjölbreytt úrval sendibíla og hefur Renault verið mest seldi sendibíll Evrópu í samfellt 18 ár. Á síðasta ári voru um 270 þúsund eintök seld í Evrópu.