Elmar skoraði og AGF í bikarúrslitin

Theodór Elmar Bjarnason gulltryggði sínum mönnum í AGF sæti í úrslitaleik dönsku bikarkeppninnar er liðið gerði 2-2 jafntefli við Álaborg í kvöld.

AGF vann fyrri leikinn í undanúrslitarimmunni á heimvelli, 2-0, og skoraði Elmar einnig í þeim leik.

Álaborg komst í óvænt 2-0 forystu í Árósum í kvöld en skoraði svo sjálfsmark á 56. mínútu. Það var þó spenna í leiknum allt þar til að Elmar skoraði annað mark AGF í uppbótartíma.

AGF mætir FC Kaupmannahöfn í úrslitaleiknum sem fer fram þann 5. maí.