Zuckerberg geri allt rétt Samúel Karl Ólason skrifar 28. apríl 2016 10:45 Mark Zuckerberg, stofnandi og forseti Facebook. Mynd/Facebook Þrátt fyrir ákveðna lægð yfir helstu risum Kísildals fóru tekjur Facebook fram úr björtustu vonum. Facebook kynnti ársfjórðungsuppgjör sitt seint í gærkvöldi og höfðu tekjur samfélagsmiðlafyrirtækisins hækkað um rúmlega helming á milli ára. Undanfarna daga hafa fyrirtæki eins og Intel, IBM, Twitter og Appe birt uppgjör sem stóðust ekki væntingar. Hlutabréf Facebook hafa hækkað í verði um tæp tíu prósent eftir tilkynninguna. Verð hlutabréfa Facebook eru nú nærri því þrefalt hærri en það var þegar Facebook kom fyrst á markaði fyrir fjórum árum. Hægt er að skoða glærusýningu fyrir fjárfesta Facebook neðst í fréttinni og hlusta á útsendingu þar sem Mark Zuckerberg, stofnandi og forstjóri Facebook, og Sheryl Sandberg framkvæmdastjóri tala til fjárfesta (athugið að upptakan fer sjálfkrafa af stað). Þar má meðal annars sjá að virkum notendum hefur fjölgað jafnt og þétt úr 1,27 milljörðum frá fyrsta ársfjórðungi 2014 í 1,65 milljarða á síðasta ársfjórðungi. Algengar dómsdagsspár um að ungt fólk sé að flýja Facebook í massavís þar sem mömmur, pabbar, ömmur og afar geta fylgst með þeim, virðast því ekki á rökum reistar.Notendatölur samfélagsmiðla Facebook og helstu verkefni fyrsta ársfjórðungs 2016.FacebookZuckerberg segir að þessi árangur verði nýttur til að fjárfesta frekar í framtíðarmöguleikum fyrirtækisins eins og aukinni netvæðingu jarðarinnar, gervigreind og sýndarveruleika. Formaður stjórnar Facebook segir mjög mikilvægt að Zuckerberg verði áfram við stjórnvölinn. Velgengni fyrirtækisins megi beinlínis rekja til hæfileika hans sem leiðtoga, stjórnunar og skapandi sýnar. Því stendur til að skapa nýja tegund hlutabréfa í fyrirtækinu. Eigendur þeirra hlutabréfa munu ekki hafa atkvæðisrétt á aðalfundum og mun það gera Zuckerberg kleift að gefa stærstan hluta sinn í fyrirtækinu til góðgerðarmála, eins og hann hefur sagst ætla að gera, og í senn halda áfram að stjórna Facebook. 1,65 milljarður manna notaði Facebook mánaðarlega á ársfjórðunginum sem er töluverð aukning frá 1,44 milljarði ári áður. Samkvæmt Zuckerberg verja notendur rúmum 50 mínútum á dag á Facebook, Instagram og Messenger.Yfirlit yfir auglýsingatekjur Facebook síðustu misseri þar sem hægt er að sjá hvernig þær skiptast milli heimsálfa.FacebookTekjuaukningu Facebook má að mestu rekja til aukinnar auglýsingasölu fyrirtækisins sem jukust um 56.8 prósent á milli ára. Auglýsingatekjur fyrirtækisins voru 5,2 milljarðar dala, en heildartekjurnar voru 5,38 milljarðar. Um 82 prósent auglýsingatekna Facebook koma vegna sölu auglýsinga í snjalltækjum. Það hlutfall var 73 prósent á sama tímabili í fyrra.Greinendur höfðu búist við því að heildartekjur fyrirtækisins yrðu um 5,26 milljarðar. Sérfræðingur sem Reuters ræddi við segir fjárfesta ekki óttast það að Zuckerberg sé að auka völd sín innan fyrirtækisins. Hann hafi gert allt rétt frá því að fyrirtækið kom á markaði. Facebook hafi sýnt fram á samfeldan vöxt og reglulega farið fram úr væntingum. Þá er Facebook ekki enn byrjað að selja auglýsingar í tvö af sínum vinsælustu forritum, sem eru Messenger og WhatsApp. Þar eru enn miklir möguleikar fyrir tekjuöflun. Mest lesið Langaði svakalega mikið í sleik við George Clooney Atvinnulíf „Alls konar fólk heyrt í mér um alls konar hluti“ Viðskipti innlent Stöðva þurfi rányrkju bílastæðaeigenda Neytendur Skuldar félagi Einars 44 milljónir og gæti misst 295 milljóna hús Viðskipti innlent Fegurð er glæpur kom út í mínus Viðskipti innlent Atvinnumissir: „Ég kunni nú ekki við að spyrja Jón beint“ Atvinnulíf Segir engar breytingar hafa verið gerðar á uppskrift SS pylsna Neytendur 4,4 milljarðar til borgarinnar vegna framkvæmda á Hólmsheiði Viðskipti innlent Nýtt trend: Engir yfirmenn á vinnustaðnum Atvinnulíf Stýrivextir lækkaðir í Bandaríkjunum í fyrsta sinn í fjögur ár Viðskipti erlent Fleiri fréttir Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Þrátt fyrir ákveðna lægð yfir helstu risum Kísildals fóru tekjur Facebook fram úr björtustu vonum. Facebook kynnti ársfjórðungsuppgjör sitt seint í gærkvöldi og höfðu tekjur samfélagsmiðlafyrirtækisins hækkað um rúmlega helming á milli ára. Undanfarna daga hafa fyrirtæki eins og Intel, IBM, Twitter og Appe birt uppgjör sem stóðust ekki væntingar. Hlutabréf Facebook hafa hækkað í verði um tæp tíu prósent eftir tilkynninguna. Verð hlutabréfa Facebook eru nú nærri því þrefalt hærri en það var þegar Facebook kom fyrst á markaði fyrir fjórum árum. Hægt er að skoða glærusýningu fyrir fjárfesta Facebook neðst í fréttinni og hlusta á útsendingu þar sem Mark Zuckerberg, stofnandi og forstjóri Facebook, og Sheryl Sandberg framkvæmdastjóri tala til fjárfesta (athugið að upptakan fer sjálfkrafa af stað). Þar má meðal annars sjá að virkum notendum hefur fjölgað jafnt og þétt úr 1,27 milljörðum frá fyrsta ársfjórðungi 2014 í 1,65 milljarða á síðasta ársfjórðungi. Algengar dómsdagsspár um að ungt fólk sé að flýja Facebook í massavís þar sem mömmur, pabbar, ömmur og afar geta fylgst með þeim, virðast því ekki á rökum reistar.Notendatölur samfélagsmiðla Facebook og helstu verkefni fyrsta ársfjórðungs 2016.FacebookZuckerberg segir að þessi árangur verði nýttur til að fjárfesta frekar í framtíðarmöguleikum fyrirtækisins eins og aukinni netvæðingu jarðarinnar, gervigreind og sýndarveruleika. Formaður stjórnar Facebook segir mjög mikilvægt að Zuckerberg verði áfram við stjórnvölinn. Velgengni fyrirtækisins megi beinlínis rekja til hæfileika hans sem leiðtoga, stjórnunar og skapandi sýnar. Því stendur til að skapa nýja tegund hlutabréfa í fyrirtækinu. Eigendur þeirra hlutabréfa munu ekki hafa atkvæðisrétt á aðalfundum og mun það gera Zuckerberg kleift að gefa stærstan hluta sinn í fyrirtækinu til góðgerðarmála, eins og hann hefur sagst ætla að gera, og í senn halda áfram að stjórna Facebook. 1,65 milljarður manna notaði Facebook mánaðarlega á ársfjórðunginum sem er töluverð aukning frá 1,44 milljarði ári áður. Samkvæmt Zuckerberg verja notendur rúmum 50 mínútum á dag á Facebook, Instagram og Messenger.Yfirlit yfir auglýsingatekjur Facebook síðustu misseri þar sem hægt er að sjá hvernig þær skiptast milli heimsálfa.FacebookTekjuaukningu Facebook má að mestu rekja til aukinnar auglýsingasölu fyrirtækisins sem jukust um 56.8 prósent á milli ára. Auglýsingatekjur fyrirtækisins voru 5,2 milljarðar dala, en heildartekjurnar voru 5,38 milljarðar. Um 82 prósent auglýsingatekna Facebook koma vegna sölu auglýsinga í snjalltækjum. Það hlutfall var 73 prósent á sama tímabili í fyrra.Greinendur höfðu búist við því að heildartekjur fyrirtækisins yrðu um 5,26 milljarðar. Sérfræðingur sem Reuters ræddi við segir fjárfesta ekki óttast það að Zuckerberg sé að auka völd sín innan fyrirtækisins. Hann hafi gert allt rétt frá því að fyrirtækið kom á markaði. Facebook hafi sýnt fram á samfeldan vöxt og reglulega farið fram úr væntingum. Þá er Facebook ekki enn byrjað að selja auglýsingar í tvö af sínum vinsælustu forritum, sem eru Messenger og WhatsApp. Þar eru enn miklir möguleikar fyrir tekjuöflun.
Mest lesið Langaði svakalega mikið í sleik við George Clooney Atvinnulíf „Alls konar fólk heyrt í mér um alls konar hluti“ Viðskipti innlent Stöðva þurfi rányrkju bílastæðaeigenda Neytendur Skuldar félagi Einars 44 milljónir og gæti misst 295 milljóna hús Viðskipti innlent Fegurð er glæpur kom út í mínus Viðskipti innlent Atvinnumissir: „Ég kunni nú ekki við að spyrja Jón beint“ Atvinnulíf Segir engar breytingar hafa verið gerðar á uppskrift SS pylsna Neytendur 4,4 milljarðar til borgarinnar vegna framkvæmda á Hólmsheiði Viðskipti innlent Nýtt trend: Engir yfirmenn á vinnustaðnum Atvinnulíf Stýrivextir lækkaðir í Bandaríkjunum í fyrsta sinn í fjögur ár Viðskipti erlent Fleiri fréttir Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira