Vill tveggja ára fangelsi fyrir að eiga titrara

Forsetaframbjóðandi rebúblikana, Ted Cruz, toppaði sig í dag þegar hann tilkynnti að hann vildi láta banna titrara og önnur kynlífsleikföng.

Já, þið lásuð rétt. Hann Ted, vinur okkar, ætlar að skipta sér af því hvernig konur fá fullnægingu með því að banna þessa annars ágætu hluti.

Því jú hvar annarsstaðar en í heimaríki hans, Texas, er bannað að auglýsa og selja klúr og dónaleg kynlífshjálpartæki. Þar er fullyrt að slík tól og tæki stuðli að óheilbriðgðu kynlífi og með þessu vilji Cruz vernda almenning og draga úr sjálfsfróun. Það sé einnig ekki tilgangur með að snerta og örva kynfæri í ólæknisfræðilegum tilgangi.

Nú ef þú gerist svo sekur um þennan hroðalega glæp getur þú átt yfir höfði þér tveggja ára fangelsi. 

Ritstjórn Glamour óskar Cruz alls hins besta í að raka saman atkvæðum eftir þessa lagasetningu.