Kjartan Henry skoraði tvö og er orðinn næstmarkahæstur

Kjartan Henry Finnbogason skoraði bæði mörk Horsens í 2-0 sigri á Koge í dönsku B-deildinni í fótbolta í dag.

Með sigrinum komst Horsens upp í 2. sæti deildarinnar en þrjú efstu liðin fara upp í úrvalsdeildina.

Kjartan Henry skoraði mörkin sín í upphafi beggja hálfleikjanna; hið fyrra á 2. mínútu og hið síðara á 48. mínútu.

Kjartan Henry er kominn með 11 mörk í deildinni á tímabilinu en aðeins Ástralinn Brent McGrath hjá Fredericia hefur skorað meira, eða 12 mörk.