Gæti unnið til BAFTA á sunnudaginn Freyr Bjarnason skrifar 5. febrúar 2015 11:00 Leikarinn Stephen Fry verður kynnir BAFTA-hátíðarinnar í London í tíunda sinn á sunnudaginn. Vísir/Getty Stærstu nöfnin í Hollywood verða á meðal gesta á hinni árlegu bresku BAFTA-verðlaunahátíð sem verður haldin í 68. sinn í London á sunnudaginn. Hátíðin fer fram í Royal Opera House í Covent Garden og á meðal þeirra sem ganga eftir rauða dreglinum verða Benedict Cumberbatch, Reese Witherspoon, Eddie Redmayne, Julianne Moore, Ralph Fiennes og Michael Keaton. Einnig verður á hátíðinni Jóhann Jóhannsson sem er tilnefndur til BAFTA-verðlaunanna fyrir tónlistina í The Theory Of Everything sem fjallar um vísindamanninn Stephen Hawking. Stutt er síðan Jóhann vann Golden Globe-verðlaunin fyrir tónlistina fyrstur Íslendinga, auk þess sem hann er tilnefndur til Óskarsverðlaunanna sem verða afhent 22. febrúar. Á BAFTA-hátíðinni mun Jóhann etja kappi við Antonio Sanchez fyrir tónlistina í Birdman, Alexandre Desplat fyrir The Grand Budapest Hotel, Hans Zimmer fyrir Interstellar og Mica Levi fyrir Under the Skin. Stephen Fry verður kynnir í tíunda sinn og hlakkar hann mikið til. „Að vera kynnir á kvikmyndaverðlaununum hefur alltaf verið hápunktur ársins hjá mér,“ sagði hinn nýgifti leikari. „Að aðstoða akademíuna við að kynna kvikmyndagerð og hvetja fólk til að fara í bíó skiptir mig miklu máli.“ Auk þess að verðlauna fyrir kvikmyndir eru BAFTA-verðlaunin einnig veitt fyrir afrek í sjónvarpi og tölvuleikjum. Hljómsveitin Kasabian stígur á svið á hátíðinni og sagði gítarleikarinn Sergio Pizzorino í samtali við blaðið Daily Mail að það væri „gríðarlegur heiður“ að fá að opna hátíðina. Lofaði hann eftirminnilegri frammistöðu.Jóhann Jóhannsson gæti bæst í hóp þeirra Íslendinga sem hafa hlotið BAFTA-verðlaunin.Vísir/GettyGamanmyndin The Grand Budapest Hotel hlaut flestar tilnefningar til BAFTA-verðlaunanna, eða ellefu talsins, þar á meðal sem besta myndin og fyrir besta leikarann, Ralph Fiennes. The Theory Of Everything hlaut tíu tilnefningar, þar á meðal í fjórum stærstu flokkunum. Birdman fékk einnig tíu tilnefningar en The Imitation Game fékk níu, þar á meðal fyrir bestu leikkonuna í aukahlutverki, Keiru Knightley. Leikstjórinn Mike Leigh, sem var heiðursgestur RIFF-hátíðarinnar hér á landi í fyrra, fær heiðursverðlaunin BAFTA-Fellowship og kemst þá í hóp með ekki ómerkara fólki en Helen Mirren, Alfred Hitchcock og Steven Spielberg. Eftir að athöfninni lýkur á sunnudaginn mun hljómsveitin Molotov Jukebox leika fyrir dansi í eftirpartíi á hótelinu Grosvenor House. Íslendingar og BAFTA-verðlaunin2014: Ólafur Arnalds hlaut BAFTA-verðlaunin fyrir tónlist sína í sjónvarpsþáttunum Broadchurch.2012: Kvikmyndatökumaðurinn Hákon Pálsson hlaut BAFTA New Talent-verðlaunin í Skotlandi fyrir myndina No More Shall We Part.2006: Latibær hlaut BAFTA fyrir besta alþjóðlega barnaefnið.2005: Valdís Óskarsdóttir hlaut verðlaunin fyrir klippingu myndarinnar Eternal Sunshine of the Spotless Mind. BAFTA Bíó og sjónvarp Golden Globes Mest lesið Balta bregst bogalistin Gagnrýni Tók sex ólíka stera fyrir hjartastoppið: „Þannig ég segi nei við sterum“ Lífið „Pabbi hélt alltaf að þú værir kunta, takk fyrir að sanna það“ Lífið Glæsibústaðir yfir hundrað milljónum Lífið Segir Candy hafa séð að faðir hans væri „skrímsli“ á undan öðrum Lífið Kristján Einar leitar sér aðstoðar Lífið Enn ástfangnari að sjá maka sinn í foreldrahlutverkinu Lífið Hætta með Þarf alltaf að vera grín? af persónulegum ástæðum Lífið „Stolt af því að hafa ekki gefist upp á sjálfri mér“ Lífið Tökur á Disneymynd, óttalaus rotta eða eru allir vinir í Vesturbænum? Lífið Fleiri fréttir Sophie Turner verður Lara Croft Strax búinn að tilkynna Ofurmenni morgundagsins Kim Novak heiðursgestur RIFF Barðist við tárin yfir fimmtán mínútna lófataki Langþráður draumur að halda hinsegin kvikmyndahátíð ACT4 í samstarf við alþjóðlegt kvikmyndaver Saga og Steindi í nýrri gamanþáttaröð Ástin sem eftir er framlag Íslands til Óskarsverðlauna Sopranos-stjarna látin Frumsýning á Vísi: Eldgos, hamfarir og ást í kitlu fyrir Eldana Woody Allen aðalnúmerið hjá Rússum Hlynur Pálmason með þrennu í San Sebastian Sælkerabíó á RIFF: Sjónræn matarveisla á Plöntunni og smakkbíó á Ramen Momo Sannfærði Balta um að snúa aftur Fróði og Gandálfur snúa aftur í leitinni að Gollri Terence Stamp látinn Auglýsa eftir innsendingum til íslensku sjónvarpsverðlaunanna Nýr Rambo fundinn Óvænt nöfn á könnu Köngulóarmannsins Sjá meira
Stærstu nöfnin í Hollywood verða á meðal gesta á hinni árlegu bresku BAFTA-verðlaunahátíð sem verður haldin í 68. sinn í London á sunnudaginn. Hátíðin fer fram í Royal Opera House í Covent Garden og á meðal þeirra sem ganga eftir rauða dreglinum verða Benedict Cumberbatch, Reese Witherspoon, Eddie Redmayne, Julianne Moore, Ralph Fiennes og Michael Keaton. Einnig verður á hátíðinni Jóhann Jóhannsson sem er tilnefndur til BAFTA-verðlaunanna fyrir tónlistina í The Theory Of Everything sem fjallar um vísindamanninn Stephen Hawking. Stutt er síðan Jóhann vann Golden Globe-verðlaunin fyrir tónlistina fyrstur Íslendinga, auk þess sem hann er tilnefndur til Óskarsverðlaunanna sem verða afhent 22. febrúar. Á BAFTA-hátíðinni mun Jóhann etja kappi við Antonio Sanchez fyrir tónlistina í Birdman, Alexandre Desplat fyrir The Grand Budapest Hotel, Hans Zimmer fyrir Interstellar og Mica Levi fyrir Under the Skin. Stephen Fry verður kynnir í tíunda sinn og hlakkar hann mikið til. „Að vera kynnir á kvikmyndaverðlaununum hefur alltaf verið hápunktur ársins hjá mér,“ sagði hinn nýgifti leikari. „Að aðstoða akademíuna við að kynna kvikmyndagerð og hvetja fólk til að fara í bíó skiptir mig miklu máli.“ Auk þess að verðlauna fyrir kvikmyndir eru BAFTA-verðlaunin einnig veitt fyrir afrek í sjónvarpi og tölvuleikjum. Hljómsveitin Kasabian stígur á svið á hátíðinni og sagði gítarleikarinn Sergio Pizzorino í samtali við blaðið Daily Mail að það væri „gríðarlegur heiður“ að fá að opna hátíðina. Lofaði hann eftirminnilegri frammistöðu.Jóhann Jóhannsson gæti bæst í hóp þeirra Íslendinga sem hafa hlotið BAFTA-verðlaunin.Vísir/GettyGamanmyndin The Grand Budapest Hotel hlaut flestar tilnefningar til BAFTA-verðlaunanna, eða ellefu talsins, þar á meðal sem besta myndin og fyrir besta leikarann, Ralph Fiennes. The Theory Of Everything hlaut tíu tilnefningar, þar á meðal í fjórum stærstu flokkunum. Birdman fékk einnig tíu tilnefningar en The Imitation Game fékk níu, þar á meðal fyrir bestu leikkonuna í aukahlutverki, Keiru Knightley. Leikstjórinn Mike Leigh, sem var heiðursgestur RIFF-hátíðarinnar hér á landi í fyrra, fær heiðursverðlaunin BAFTA-Fellowship og kemst þá í hóp með ekki ómerkara fólki en Helen Mirren, Alfred Hitchcock og Steven Spielberg. Eftir að athöfninni lýkur á sunnudaginn mun hljómsveitin Molotov Jukebox leika fyrir dansi í eftirpartíi á hótelinu Grosvenor House. Íslendingar og BAFTA-verðlaunin2014: Ólafur Arnalds hlaut BAFTA-verðlaunin fyrir tónlist sína í sjónvarpsþáttunum Broadchurch.2012: Kvikmyndatökumaðurinn Hákon Pálsson hlaut BAFTA New Talent-verðlaunin í Skotlandi fyrir myndina No More Shall We Part.2006: Latibær hlaut BAFTA fyrir besta alþjóðlega barnaefnið.2005: Valdís Óskarsdóttir hlaut verðlaunin fyrir klippingu myndarinnar Eternal Sunshine of the Spotless Mind.
BAFTA Bíó og sjónvarp Golden Globes Mest lesið Balta bregst bogalistin Gagnrýni Tók sex ólíka stera fyrir hjartastoppið: „Þannig ég segi nei við sterum“ Lífið „Pabbi hélt alltaf að þú værir kunta, takk fyrir að sanna það“ Lífið Glæsibústaðir yfir hundrað milljónum Lífið Segir Candy hafa séð að faðir hans væri „skrímsli“ á undan öðrum Lífið Kristján Einar leitar sér aðstoðar Lífið Enn ástfangnari að sjá maka sinn í foreldrahlutverkinu Lífið Hætta með Þarf alltaf að vera grín? af persónulegum ástæðum Lífið „Stolt af því að hafa ekki gefist upp á sjálfri mér“ Lífið Tökur á Disneymynd, óttalaus rotta eða eru allir vinir í Vesturbænum? Lífið Fleiri fréttir Sophie Turner verður Lara Croft Strax búinn að tilkynna Ofurmenni morgundagsins Kim Novak heiðursgestur RIFF Barðist við tárin yfir fimmtán mínútna lófataki Langþráður draumur að halda hinsegin kvikmyndahátíð ACT4 í samstarf við alþjóðlegt kvikmyndaver Saga og Steindi í nýrri gamanþáttaröð Ástin sem eftir er framlag Íslands til Óskarsverðlauna Sopranos-stjarna látin Frumsýning á Vísi: Eldgos, hamfarir og ást í kitlu fyrir Eldana Woody Allen aðalnúmerið hjá Rússum Hlynur Pálmason með þrennu í San Sebastian Sælkerabíó á RIFF: Sjónræn matarveisla á Plöntunni og smakkbíó á Ramen Momo Sannfærði Balta um að snúa aftur Fróði og Gandálfur snúa aftur í leitinni að Gollri Terence Stamp látinn Auglýsa eftir innsendingum til íslensku sjónvarpsverðlaunanna Nýr Rambo fundinn Óvænt nöfn á könnu Köngulóarmannsins Sjá meira