Nýtt Sportveiðiblað komið út

Nýjasta tölublað Sportveiðiblaðsins var að koma út og sem fyrr kennir þar ýmsa grasa.

Meðal efnis í blaðinu má nefna viðtal við Bjarna Júlíusson um veiðiferð þriggja kynslóða í Hítará, Þröstur Elliðason leigutaki og forsvarsmaður Strengja ræðir við Trausta Hafliðason um góða stöðu á veiðisvæðum Strengja, Jóhann Davið Snorrason segir frá veiðitúr sem hann fór til Rússlands nánar tiltekið á Kólaskaga ásamt fleiri skemmtilegum viðtölum. Einnig er fjallað um rétt handtök við að hreinsa haglabyssur, sjóstangaveiði og margt fleira sem tengist stangveiði um allt land. Blaðið fæst í öllum helstu verslunum og auðvitað í veiðibúðinni þinni.