Tempura grænmeti með heimalöguðu beikonmajónesi

Sjónvarpskokkurinn Eyþór Rúnarsson gefur gómsætar og auðveldar uppskriftir í þætti sínum Eldhúsið hans Eyþórs, á Stöð 2 fram að jólum.

Tempura grænmeti með heimalöguðu beikonmajónesi

Beikonmajónes

1 bréf beikon

3 eggjarauður

300 ml olía bragðlaus

1 stk. sítrónasjávarsalt

½ hvítlauksrif

1 tsk. Dijon sinnep

Hnífsoddur af cayanna pipar

Skerið beikonið smátt niður og steikið á pönnu þar til það er stökkt og fallegt. Setjið þrefalt lag af eldhúspappír á disk og hellið beikoninu yfir á hann og þerrið. Setjið eggjarauðurnar í hrærivél og þeytið saman. Hellið olíunni smám saman út í eggjarauðurnar þar til olían er búin. Takið majónesið úr skálinni og smakkið það til með sítrónusafanum og kryddunum. Bætið í lokin fínt skorna beikoninu út í majónesið



Tempura deig

100 g hveiti

1 msk. maizena

1/2 tsk. salt

200 ml sódavatn

4 ísmolar

Setjið þurrefnin saman í stóra skál og bætið svo sódavatninu smám saman út í. Setjið ísmolana útí í lokin svo að deigið haldist kalt á meðan þið eruð að nota það. Veltið grænmetinu upp úr deiginu og steikið það við 190 gráður í potti eða djúpsteikingarpotti í 2 mín.

Berið grænmetið fram með beikonmajónesinu og sítrónu þetta er frábær réttur til að byrja gott matarboð.