Rifsberja og rauðlauks mauk

Nú er tími rifsberja og oftar en ekki eru þau tínd og úr þeim gerð sæt sulta.

Hér er uppskrift af mauki sem væri frábær nýting á rifsberjunum fyrir þá sem vilja minnka sætindin og fá eitthvað saðsamara ofan á brauð eða góðum osti, til dæmis geitaosti, eða jafnvel girnilegri pylsu.

Rifsberja- og rauðlauksrelish

Hráefni:



2 miðlungsstórir rauðlaukar skornir í þunnar sneiðar

1 rauð paprika, skorin í litla bita

2 msk ólivíuolíu

1 stór rauður chili pipar, fræhreinsaður og saxaður

2 stórir hvítlauksgeirar

1 lítill hnúður af ferskum engifer, saxaður

200 ml af rauðvínsediki

140 gr ljós púðursykur

1 tsk fimm krydd / allspice

200 gr rifsber, hreinsuð frá stilknum



Aðferð

1. Steiktu laukinn og paprikuna uppúr olíunni í 5-8 mínútur og settu svo í sér skál

2. Settu chili, hvítlauk og engifer út í pönnuni ásamt 100 ml af rauðvínsedikinu. Malla í 2-3 mínútur. Bættu við lauknum og paprikunni auk restinni af edikinu og sykurinn, kryddið og 1 tsk salt

3. Láttu suðuna koma upp og leyfðu að sjóða í 5 mín þar til hefur þykknað.

4. Bættu rifsberjunum útí og láttu malla í um 5 mín í viðbót, þar til hafa sprungið en halda enn smá lögun og vökvinn er sírópskenndur

5. Helltu í stóra hitaþolna krukku, festu lokið vandlega á og kældu á meðan er enn heitt. 

Geymist í kæli í allt að 3 vikur.