24 punda hængur úr Víðidalsá

Við höfum aðeins tiplað á því að núna er besti tíminn fyrir stóru hausthængana og nú þegar hafa nokkrir slíkir höfðingjar tekið flugur veiðimanna.

Fréttir af stórlöxum á haustin koma gjarnan úr sömu áttinni og oftar en ekki eru þetta ár eins og Miðfjarðará, Vatnsdalsá, Laxá í Aðaldal, Hrútafjarðará og Víðidalsá, bara svo nokkrar séu nefndar, sem gefa árlega laxa um og yfir 100 sm eða 20 pund eða stærri.

Þórarinn Kristjánsson er við veiðar í ánni ásamt Jóhanni félaga sínum og setti Þórarinn í sannkallað tröll í veiðistaðnum Ármót í fyrradag. Laxinn var mældur 101 sm að lengd og vó 24 pund í háfnum. Þetta er einn af stærstu löxum sumarsins í Víðidalsá og víðar en besti tíminn er framundan til að setja í þessa stórlaxa svo við eigum nokkuð örugglega eftir að heyra af fleiri stórfiskum í haust. Þess má geta að laxinn tók Blue Charm númer #14 sem sannar enn og aftur að ekki þarf stórar flugur til að setja í stóra laxa, þvert á móti koma þessar laxar iðullega á smáar flugur.