Jón Daði skoraði og fiskaði víti

Jón Daði Böðvarsson skoraði eitt mark og fiskaði víti sem tryggði Viking 1-0 sigur á Sarpsborg í norsku úrvalsdeildinni í knattspyru í dag.

Andre Danielsen kom Viking yfir úr vítaspyrnu á 44. mínútu eftir að brotið var á Jóni Daða. Þannig stóðu leikar í hálfleik.

Jón Daði Böðavrsson tvöfaldaði svo forystuna fyrir Viking níu mínútum fyrir leikslok og lokatölur 2-0.

Indriði Sigurðsson og Jón Daði Böðvarsson spiluðu allir allan leikinn fyrir Viking, en Steinþór Freyr Þorsteinsson var tekinn af velli þegar sex mínútur voru eftir af venjulegum leiktíma.

Með sigrinum skaust Viking upp í fjórða sæti deildarinnar, en þeir eru í fjórða sæti deildarinnar með 34 stig.