Mynd: Elías Már, Gareth Bale og James Rodriguez

Elías Már Ómarsson spilaði allan leikinn fyrir Vålerenga sem gerði markalaust jafntefli við Real Madrid á Ullevaal leikvanginum í Noregi.

Real Madrid er í æfingarferðalagi um heiminn, en þeir undirbúa sig nú af kappi fyrir byrjun spænsku úrvalsdeildarinnar. Spænska deildin hefst eftir tvær vikur, en í fyrsta leik fer Real og heimsækir Sporting Gijon.

Elías spilaði allan leikinn, eins og fyrr segir, í dag, en tókst ekki að skora gegn ógnasterku liði Real Madrid. Nokkrar stórstjörnur voru í liði Real sem Keflvíkingurinn fékk að kljást við.

Hér að neðan má sjá mynd sem Elías birti á samfélagsmiðlinum Instagram. Þar er hann í baráttunni við Gareth Bale og James Rodriguez, tvo af dýrustu leikmönnum heims.

Good experience to play against a great team like Real Madrid! #vifrm #vif #realmadrid

A photo posted by Elías Már Ómarsson (@eliasmar95) on Aug 9, 2015 at 9:27am PDT