10710 fiskur hefur veiðst í Veiðivötnum

Veiðivötn hafa tekið ágætlega við sér eftir að það hlýnaði aðeins en útlit er fyrir heldur kalda morgna uppfrá næstu daga.

Veiðin í dag er aðeins yfir því sem hún var í fyrra en heildarveiðin var þá 10.193 fiskar svo vötnin virðast hafa komið vel undan kuldanum sem þar ríkti í byrjun sumars. Snjóölduvatn hefur gefið  3213 og er aflahæsta vatnið eins og er. 2918 hafa veiðst í Nýjavatni og síðan er heildarveiðin í vinsælasta vatninu, Litla Sjó komin í 2152 fiska.

Það sem er skemmtilegast að sjá við vötnin í dag er mikil aukning í fluguveiði en ekki eru mörg ár síðan að horft var furðulega á menn sem mættu með flugustangir við vötnin enda hafa þau verið heimavöllur beituveiði um áratugaskeið. Þetta er þó hratt að breytast og í dag eru margir veiðimenn sem leggja leið sína upp í veiðivötn eingöngu með fluguna að vopni.

Það er gaman að bera saman veiðina í Veiðivötnum á milli ára og eins og sést á töflunni sem fylgir þessari frétt er veiðin mest í upphafi en nær síðan jafnvægi eftir viku 4. Myndina er að finna á heimasíðu veiðivatna ásamt upplýsingum um veiði og vötnin sjálf.