Bílar

Dacia með 2 nýja fyrir S-Ameríku

Finnur Thorlacius skrifar
Dacia Sandero RS.
Dacia Sandero RS.
Rúmenski bílaframleiðandinn Dacia sem er í eigu Renault hefur gengið ákaflega vel á síðustu árum og stóraukið sölu sína, ekki bara í Evrópu. Í S-Ameríku hafa Dacia bílar selst vel og því hefur Dacia ákveðið að setja þar á markað tvær nýjar gerðir, sem þó eru báðar byggðar á þekktum bílum þeirra.

Annar þeirra er pallbíll sem byggður er á Dacia Duster jepplingnum og fellur í flokk pallbíla milli 1 og 1,5 tonn. Hann er því með minni pallbílum og þar sem hann er miklu ódýrari en hinir stóru bandarísku pallbílar má búast við ágætri sölu hans.

Hinn bíllinn er Sandero RS 2,0, sportútgáfa af Sandero bílnum. Hann er með 145 hestafla vél sem skilar honum í hundraðið á 8,5 sekúndum. Þarna er á ferð ódýr sportbíll, sem er þó samt á 17 tommu felgum, mun huggulegri innréttingu en í grunnbílnum, sportfjöðrun og sportlegri stýringu, auk öflugra diskabremsa.

Það var sportbíladeild Renault sem sá um hönnun og útfærslu bílsins og á myndinni að dæma hefur ágætlega tekist til. Báðir þessir bílar verða í fyrstu eingöngu markaðssettir í S-Ameríku og voru kynntir á nýafstaðinni bílasýningu í Buenos Aires í Argentínu.

Mest lesið




×

Mest lesið