Allir verðlaunahafar kvöldsins: Dúkkuheimilið sigursælast á Grímunni

Gríman – íslensku sviðslistaverðlaunin voru veitt í 13. skiptið við hátíðlega athöfn frá Stóra sviði Borgarleikhússins í kvöld en sýnt var beint frá hátíðinni á RÚV.

Edda Heiðrún Bachman hlaut Heiðursverðlaun Sviðslistasambands Íslands fyrir ævistarf sitt í þágu sviðslista á Íslandi. Hið sívinsæla leikrit Henrik Ibsens Dúkkuheimili var valin sýning ársins en Konan við 1000° leikrit ársins.

Kynnar á sýningunni í kvöld voru bræðurnir Kjartan og Árni Pétur Guðjónssynir. Hér fyrir neðan má sjá alla verðlaunahafa kvöldsins.

Athugasemd blaðamanns: Þau leiðinlegu mistök áttu sér stað í kvöld að listi yfir verðlaunahafa, sem afhentur er fréttamiðlum fyrir hátíðina, var birtur á Vísi áður en afhendingunni var alveg lokið. Vísir harmar yfirsjón sína og biður hlutaðeigandi afsökunar.

Sýning ársins 2015

Dúkkuheimili eftir Henrik Ibsen í sviðsetningu Borgarleikhússins

Leikrit ársins 2015

Konan við 1000° eftir Hallgrím Helgason. Leikgerð -  Hallgrímur Helgason, Símon Birgisson og Una Þorleifsdóttir. Í sviðsetningu Þjóðleikhússins.

Leikstjóri ársins 2015

Harpa Arnardóttir fyrir Dúkkuheimili í sviðsetningu Borgarleikhússins.

Leikari ársins 2015 í aðalhlutverki

Þór Tulinius fyrir Endatafl í sviðsetningu leikhópsins Svipir og Tjarnarbíós.

Leikkona ársins 2015 í aðalhlutverki

Unnur Ösp Stefánsdóttir fyrir Dúkkuheimili í sviðsetningu Borgarleikhússins.

Leikari ársins 2015 í aukahlutverki

Ólafur Egill Egilsson fyrir Sjálfstætt fólk í sviðsetningu Þjóðleikhússins.

Leikkona ársins 2015  í aukahlutverki

Halldóra Geirharðsdóttir fyrir Billy Elliott í sviðsetningu Borgarleikhússins.

Leikmynd ársins 2015 

Ilmur Stefánsdóttir fyrir Dúkkuheimili í sviðsetningu Borgarleikhússins.

Búningar ársins 2015 

Filippía I. Elísdóttir fyrir Dúkkuheimili í sviðsetningu Borgarleikhússins.

Lýsing ársins 2015

Björn Bergsteinn Guðmundsson fyrir Dúkkuheimili í sviðsetningu Borgarleikhússins.

Tónlist ársins 2015 

Ben Frost fyrir Black Marrow í sviðsetningu Íslenska dansflokksins.

Hljóðmynd ársins 2015 

Eggert Pálsson og Kristján Einarsson fyrir Ofsa í sviðsetningu Aldrei óstelandi og Þjóðleikhússins.

Söngvari ársins 2015

Kristinn Sigmundsson fyrir Don Carlo í sviðsetningu Íslensku óperunnar.

Dansari ársins 2015 

Þyri Huld Árnadóttir fyrir Sin í sviðsetningu Íslenska dansflokksins.

Danshöfundur ársins 2015 

Damien Jalet fyrir Les Médusées í sviðsetningu Íslenska dansflokksins.

Útvarpsverk ársins 2015 

Blinda konan og þjónninn eftir Sigurð Pálsson. Leikstjórn – Kristín Jóhannesdóttir í sviðsetningu Útvarpsleikhússins - RÚV.

Sproti ársins 2015

Tíu fingur fyrir Lífið – stórskemmtilegt drullumall eftir Helgu Arnalds, Charlotte Böving, Sólveigu Guðmundsdóttur og Svein Ólaf Gunnarsson. Í sviðsetningu leikhússins Tíu fingur.

Barnasýning ársins 2015

Lífið – stórskemmtilegt drullumall eftir Helgu Arnalds, Charlotte Böving, Sólveigu Guðmundsdóttur og Svein Ólaf Gunnarsson. Í sviðsetningu leikhússins Tíu fingur.

Heiðursverðlaun Leiklistarsambands Íslands 2015

Edda Heiðrún Backman