Flugufréttir og Veiðivon fagna veiðisumrinu næsta föstudag

Flugufréttir fagna veiðisumrinu með opnu húsi í Veiðivon föstudaginn 5. júní þar sem áskrifendum og öðrum velunnurum verður boðið upp á fjölbreyttar kynningar og afslætti í samstarfi við SVFR, Veiðivon og Veiðikortið.

SVFR kynnir þær silungs- og laxveiðiár sem eru í boði fyrir veiðimenn í sumar. Veiðivon býður 20% afslátt á öllum vörum. Veiðikortið verður á tilboði og boðið verður upp á kynningu á fjórum vötnum ásamt því sem sérfræðingar frá Veiðikortinu verða á svæðinu.  Nýir eigendur tóku nýlega við keflinu á Flugufréttum og verða þeir á staðnum til að kynna sig og hitta áskrifendur.  Boðið verður upp á léttar veitingar og stendur opna húsið frá 16:00 til 19:00 í Veiðvon, Mörkinni 6.

Um Flugufréttir

Flugufréttir byggja á traustum grunni og hefur fréttabréfið verið sent til tæplega eitt þúsund áskrifenda í tölvupósti á hverjum einasta föstudegi undanfarin 15 ár. Flugufréttir halda einnig út veiðivefnum flugur.is þar sem má finna hafsjó af fróðleik um veiði, m.a. veiðistaðalýsingar, hnýtingakennslu og upplýsingar um allar helstu flugurnar.