Sumarsýning Mercedes-Benz

Starfsfólk Bílaumboðsins Öskju er í  sumarskapi þessa dagana. Mercedes-Benz er áberandi í tengslum við Smáþjóðaleikana sem nú standa sem hæst og næstkomandi laugardag verður Sumarsýning Mercedes-Benz haldin á Krókhálsinum kl. 12-16.

,,Sumarið er handan við hornið með öllum sínum ævintýrum. Þess vegna efnum við til sýningar með glæsilegum jeppaflota Mercedes-Benz.  Að sjálfsögðu verða fólksbílar einnig í sýningarsalnum og allir bílarnir verða klárir til reynsluaksturs á laugardaginn,” segir Ásgrímur Helgi Einarsson,  sölustjóri Mercedes-Benz hjá Öskju.

,,Jeppalínan verður í forgrunni á sýningunni og þar ber hæst G-Class og GL-500. GLA sportjeppinn og CLA Shooting Brake verða svo einnig atkvæðamiklir. Við munum ennfremur taka forpantanir á hinum nýja GLE jeppa,” segir Ásgrímur.

Hinn vinsæli M-Class mun nú heita GLE samkvæmt nýju nafnakerfi Mercedes-Benz og er væntanlegur í nýrri útfærslu undir því nafni í árslok. Hér um að ræða sérlega öflugan og vel búinn jeppa sem á eftir að vekja mikla eftirtekt.

Þá verður 25% afsláttur af Mercedes-Benz aukahlutum meðan á sýningunni stendur á laugardag.