Kannski engin mokveiði en alltaf vænir fiskar Karl Lúðvíksson skrifar 12. maí 2015 17:47 Kleifarvatn er mörgum veiðimanninum hulin ráðgáta enda ekkert skrítið því vatnið er bæði stórt og djúpt en í því leynast engu að síður vænir fiskar. Vatnið verður líklegast aldrei þekkt sem eitthvað mokveiðivatn enda hefur það ekki burði í það þar sem framleiðsla á lífmassa í vatninu er ekki mjög há, sem aftur þýðir að vatnið ber ekki mikið magn af fiski. En það er þó annað sem gerir vatnið að spennandi veiðikost og það er stærðin á fiskinum sem í því býr. Það er ekkert óalgengt að sjá 4-6 punda fiska koma þarna á land og það eru alveg til stærri tröll þarna, þeir hafa sannarlega tekið á og rifið sig lausa í gegnum tíðina. Veiðin er síðan ekkert rosalega mikil en algengt er að fá 1-3 fiska yfir hálfan dag en það sem auðvitað hífir ánægjuna vel upp er þessi yfirleitt fína stærð á fiskinum. Það eru þó nokkrir veiðimenn sem eru farnir að þekkja á vatnið og vita hvenær besti tíminn er. Einfalt mál, hann er núna og næstu 2-3 vikur. Urriðinn í Kleifarvatni hegðar sér nefnilega ekkert ósvipað og urriðinn á Þingvöllum þrátt fyrir að hafa ekki neitt sýnilegt rennsli í vatnið sbr. árnar sem renna í Þingvallavatn. Á vorin virðist hann vera á grynnra vatni en fer síðan dýpra þegar sumardagarnir verða bjartari. Besta veiðin er á kvöldin og, takið eftir, á næturnar! Besta veiðin í vatninu hefur nefnilega oftar en ekki verið gerð í ljósaskiptunum. Þarna er veitt á allt en mest veiðist á spún og beitu þar sem fiskurinn liggur djúpt. Stangveiði Mest lesið Fimm laxveiðiár komnar yfir 1.000 laxa Veiði Frábær meðalþyngd á laxinum í Vatnsdalsá Veiði Blanda fer yfir 3000 laxa í dag Veiði Veiðimaðurinn opnar á ný Veiði Sjötíu sentímetra ís á Skagaheiði Veiði Ný glær flotlína frá Airflo Veiði Frábær veiði á stöng í Jöklu 2011 Veiði Norðurá að verða svo gott sem uppseld Veiði Fnjóská: Tveggja daga holl með 27 laxa og mikið af silungi Veiði Fimm stórlaxar á hitch í Víðidalsá Veiði
Kleifarvatn er mörgum veiðimanninum hulin ráðgáta enda ekkert skrítið því vatnið er bæði stórt og djúpt en í því leynast engu að síður vænir fiskar. Vatnið verður líklegast aldrei þekkt sem eitthvað mokveiðivatn enda hefur það ekki burði í það þar sem framleiðsla á lífmassa í vatninu er ekki mjög há, sem aftur þýðir að vatnið ber ekki mikið magn af fiski. En það er þó annað sem gerir vatnið að spennandi veiðikost og það er stærðin á fiskinum sem í því býr. Það er ekkert óalgengt að sjá 4-6 punda fiska koma þarna á land og það eru alveg til stærri tröll þarna, þeir hafa sannarlega tekið á og rifið sig lausa í gegnum tíðina. Veiðin er síðan ekkert rosalega mikil en algengt er að fá 1-3 fiska yfir hálfan dag en það sem auðvitað hífir ánægjuna vel upp er þessi yfirleitt fína stærð á fiskinum. Það eru þó nokkrir veiðimenn sem eru farnir að þekkja á vatnið og vita hvenær besti tíminn er. Einfalt mál, hann er núna og næstu 2-3 vikur. Urriðinn í Kleifarvatni hegðar sér nefnilega ekkert ósvipað og urriðinn á Þingvöllum þrátt fyrir að hafa ekki neitt sýnilegt rennsli í vatnið sbr. árnar sem renna í Þingvallavatn. Á vorin virðist hann vera á grynnra vatni en fer síðan dýpra þegar sumardagarnir verða bjartari. Besta veiðin er á kvöldin og, takið eftir, á næturnar! Besta veiðin í vatninu hefur nefnilega oftar en ekki verið gerð í ljósaskiptunum. Þarna er veitt á allt en mest veiðist á spún og beitu þar sem fiskurinn liggur djúpt.
Stangveiði Mest lesið Fimm laxveiðiár komnar yfir 1.000 laxa Veiði Frábær meðalþyngd á laxinum í Vatnsdalsá Veiði Blanda fer yfir 3000 laxa í dag Veiði Veiðimaðurinn opnar á ný Veiði Sjötíu sentímetra ís á Skagaheiði Veiði Ný glær flotlína frá Airflo Veiði Frábær veiði á stöng í Jöklu 2011 Veiði Norðurá að verða svo gott sem uppseld Veiði Fnjóská: Tveggja daga holl með 27 laxa og mikið af silungi Veiði Fimm stórlaxar á hitch í Víðidalsá Veiði