Bílabúð Benna sérinnflutti fjóra glæsibíla fyrir bílasýninguna í Fífunni

Á meðal þeirra fjölda bíla sem Bílabúð Benna verður með til sýnis á bílasýningunni Allt á hjólum í Fífunni um helgina eru fjórir afar áhugaverðir bílar sem voru sérinnfluttir fyrir sýninguna. Þar á meðal er að finna Opel blæjubíl, Opel Cascada sem verður frumsýndur á sýningunni. Cascada er 4ra manna blæjubíll sem er fáanlegur í mörgum vélastærðum bæði beinskiptur og sjálfskiptur.

Einnig verður frumsýndur Opel Astra OPC en OPC stendur fyrir Opel Performance Center en það er sérstök deild hjá Opel sem sérhæfir sig í smíðum á keppnisbílum ásamt sérstökum OPC útgáfum af Corsa, Astra og Insignia sem seldir eru til almennings.  Þessir bílar eiga það sameiginlegt að vera allir með sérstaklega öflugum vélum, stærri bremsum og öflugri fjöðrun og þannig lagt mikið uppúr aksturseiginleikum bílanna. Þessi Astra er með 280 hestafla vél.

Til viðbótar við þessa flottu nýju Opel bíla þá verður til sýnis afar áhugverð útgáfa af jeppanum Opel Mokka í Dakar útfærslu. Eins og nafnið gefur til kynna er um að ræða tryllitæki sem er sérútbúið til þátttöku í þessum erfiðasta rallakstri veraldar og með bílnum kemur sjálfur ökuþórinn, Balasz Szalay frá Búdapest, sem á að baki kringum 20 keppnir í Dakar-rallinu. Hann er búinn 6,2 lítra V8 340 hestafla vél og aflið fer til allra hjóla í gegnum sérstakan rafstýrðan gírkassa. Þeir sem vilja skoða Opel Mokka jeppann í aðeins hófstilltari útgáfu geta að sjálfsögðu gert það á Opel sýningarsvæðinu.

Síðast en ekki síst verður svo til sýnis einn fallegasti sportbíll sögunnar, Porsche 911 Targa, sem var kynntur fyrst til sögunnar 1965. Eitt helsta einkenni bílsins er hinn stállitaði veltigrindarbogi sem setur svo sterkan svip á þessa gerð 911. Þessi nýja 911 Targa 4S er 400 hestöfl, fjórhjóladrifinn og aðeins 4,4 sek að ná 100 km hraða.  Við hlið þessa gullmola verður svo hægt að skoða 1970 útgáfu af sama bíl sem gerður hefur verið upp á afar vandaðan hátt. Einnig verða til sýnis Porsche Cayenne S og Panamera S rafmagnsbílarnir E-Hybrid. Það verður því margt áhugavert að sjá á kynningarsvæðum Bílabúðar Benna í Fífunni um helgina.