Talent-stjörnurnar árita í Kringlunni

Sex frábærir listamenn og hópar munu keppa í úrslitum Ísland got Talent sem fram fara annað kvöld. Sigurvegarinn fær tíu milljónir króna í sinn hlut en keppendur voru mætt í Kringluna í dag þar sem aðdáendur gátu fengið árituð plagggöt af stjörnum.

Í Kringlunni voru þau Magnús Hafdal, Ívar Þórir Daníelsson, Bríet Ísis Elfar, Agla Bríet Einarsdóttir, BMX bros, Alda Dís Arnardóttir og Marcin Wisniewski og stemningin var góð.

Lokakvöldið verður sem fyrr segir í beinni útsendingu á Stöð 2 annað kvöld og hefst þátturinn klukkan 19:10. Þá kemur í ljós hver fetar í fótspor dansarans Brynjars Dags Albertssonar sem stóð uppi sem sigurvegari í fyrra.