Ísland got Talent: Þessir komust áfram í undanúrslit

Í dómaraþætti Íslands got Talent sem sýndur var á Stöð 2 í kvöld kom í ljós hvaða atriði komust áfram í undanúrslit og keppa þar um tíu milljónirnar sem afhentar verða þann 12. apríl.

Erfiðar ákvarðanir biðu dómaranna fjögurra en alls voru nítján atriði send áfram. Hóparnir Fimmund og Undir Eins voru látnir keppa á ný með örstuttum undirbúningi um síðasta sætið í boði. Svo fór þó að lokum að dómarar gátu enn ekki gert upp á milli og sendu bæði atriðin áfram.

Undanúrslit Ísland got Talent verða sýnd í beinni útsendingu frá Talent-höllinni næstu þrjú sunnudagskvöld.