Tilnefningar til bíls ársins

Á hverju ári tilnefnir fjölþjóðleg nefnd bílablaðamanna bíl ársins (World Car of the Year) sem tilkynnt er um á bílasýningunni í New York í byrjun apríl. Áður en að því kemur velur dómnefndin þá 10 bíla sem til greina koma.

Í gær varð ljóst hvaða bílar það eru. Eru það bílarnir BMW 2 Active Tourer, Volkswagen Passat, Citroën C4 Cactus, Ford Mustang, Hyundai Genesis, Jeep Renegade, Mazda2, Mercedes Benz C-Class, Mini Hardtop og Nissan Qashqai.

Nefndin velur einnig lúxusbíl ársins og í úrslit þar eru bílarnir BMW i8 og X6, Mercedes S-Class Coupe, Lexus NX og RC, Range Rover Autobiography Black LWB, Cadillac ATS Coupe og Escalade, Kia K900 og Lincoln MKC.

Ennfremur velur nefndin sportbíl ársins og þar eru komnir í úrslit bílarnir Audi S1, S3 og TT, Bentley Continental GT Speed, BMW M3/M4, Chevrolet Corvette Z06, Dodge Challenger SRT Hellcat, Jaguar F-Type R Coupe, Lexus RC F og Mercedes-AMG GT.

Í fjórða lagi velur nefndin "græna" bíl ársins og þar eru komnir í úrslit bílarnir Volvo XC90 T8, Volkswagen Golf GTE, Kia Soul EV, BMW i8 og Hyundai Tucson Fuel Cell.

Að síðustu velur þessi nefnd hönnun ársins og þar koma til greina bílarnir Porsche Macan, Mercedes Benz C-Class, BMW 2 Active Tourer, Citroën C4 Cactus og Volvo XC90.