Illugi gerði það sem hann gat

„Illugi hitti íþróttamálaráðherra annarra Norðurlanda og gerði það sem hann hafði tækifæri til að gera til að koma mótmælum gegn mannréttindabrotum á framfæri,“ segir Sigríður Hallgrímsdóttir, aðstoðarmaður mennta- og menningarmálaráðherra.

Ráðherrann, Illugi Gunnarsson, bar sem kunnugt er trefil í regnbogalitunum við setningarathöfn Ólympíuleikanna í Sotsjí föstudaginn 7. febrúar. Trefilinn fékk hann að gjöf frá samtökunum "78 og Hinsegin dögum í Reykjavík áður en hann hélt utan. 

Illugi sagði fulltrúunum samtakanna fyrir brottför að hann væri fyrst og fremst að fara til Rússlands til að þiggja boð á Ólympíuleika. Hann vissi ekki hvort hann myndi hitta rússneska ráðamenn. Það hafi svo komið á daginn. Sigríður Hallgrímsdóttir, aðstoðarmaður ráðherra, sagði í samtali við Fréttablaðið að ráðherra hefði gert það sem hann gat.

Fréttablaðið og Vísir hafa reynt að ná tali af Illuga Gunnarssyni undanfarna viku en án árangurs.