Nýr framkvæmdastjóri Microsoft

Hinn 46 ára indverskættaði Satya Nadella mun taka við stöðu framkvæmdastjóra hjá Microsoft en hann var áður yfirmaður tölvuskýjaþjónustu fyrirtækisins. Nadella verður þannig aðeins þriðji framkvæmdastjóri Microsoft á 38 ára sögu fyrirtækisins.

Stofnandi Microsoft og fyrsti framkvæmdastjóri þess, Bill Gates, mun víkja sem stjórnarformaður og sinna ráðgjafastörfum. Hann hyggst eyða þriðjungi starfstíma síns við vöru- og tækniþróun hjá fyrirtækinu.