Jóladagatal - 2. desember - AB mjólk á spegil

Systkinin Hurðaskellir og Skjóða ætla að föndra eitthvað skemmtilegt á Vísi á hverjum einasta degi fram að jólum. 

Skjóða er að vísu með tíu tröllaputta og Hurðaskellir er algjör jólasveinn en þau hafa ótrúlega gaman að því að föndra og láta því ekki ónákvæmni eða brussugang á sig fá. Um leið og þau föndra kenna þau öðrum að gera jólaskraut, piparkökuhús, jólakort og fleira sniðugt.

Í þætti dagsins taka þau systkin sig til og skreyta stofuspegilinn með AB mjólk. Á hann teikna þau kertaskreytingu, jólatré og stjörnu og það er engu líkara en það hafi snjóað á spegilinn.

Þessi stórskemmtilegu tröll hvetja alla til að skreyta spegilinn heima hjá sér.

Frekari leiðbeiningar má finna á heimasíðunni jolasveinar.is og Facebook-síðu jólasveinanna.