Bílar

BMW i3 grænasti bíll ársins

Finnur Thorlacius skrifar
Verðlaunin afhent.
Verðlaunin afhent.
Á bílasýningunni í Los Angeles var BMW i3 veitt verðlaunin „Green Car of the Year“, sem útlagst gæti grænasti bíll ársins. Þessi verðlaun taka ekki aðeins til þess að bíllinn sjálfur sé umhverfisvænn heldur einnig að hann standi almenningi til boða á mörgum mörkuðum og hafi því áhrif til minnkandi mengunar bílaflotans. BMW i3 gengur einungis fyrir rafmagni.

Í Bandaríkjunum fæst BMW i3 bíllinn á svo til öllum sölustöðvum BMW þarlendis, en það sama er ekki að segja um alla umhverfisvæna bíla margra annarra bílaframleiðenda. Svo vel hefur tekist til við sölu BMW i3 um allan heim að BMW hefur þurft að auka verulega við framleiðslu hans.

Aðrir bílar sem komu til greina í valinu að þessu sinni voru Audi A3 TDI, Honda Jazz, Volkswagen Golf og Chevrolet Impala Bi-Fuel. Það er bílablaðið Green Car Journal sem veitir þessi grænu verðlaun og það hefur það gert síðastliðin 10 ár. Í fyrra fékk Honda Accord Hybrid/Plug-In-Hybrid þessi verðlaun.

Mest lesið


Fleiri fréttir

Sjá meira


×

Mest lesið