Tveir 20 pundarar sama daginn í Eystri Rangá Karl Lúðvíksson skrifar 28. júlí 2014 17:21 Stór lax sem tók á Bátsvaðinu í gær Mynd: Veiðifélag Eystri Rangár Veiðin í Eystri Rangá er feyknagóð þessa dagana og áin stefnir hraðbyri í 1000 laxa og á nóg inni enda besti tíminn í ánni í raun ekki ennþá kominn. Alls eru komnir 764 laxar á land í dag og það styttist í 100 laxa dagana en þeir koma oft í lok júlí. Síðan geta komið dagar þar sem veiðin fer vel yfir það og áður en veiðimenn settu stóru laxana í klakkisturnar var oft mikið að gera í veiðihúsinu þegar veiðimenn mættu með hundrað laxa sem þurfti að vigta og bóka. Því hefur verið mjög vel tekið af veiðimönnum að setja allan stórlax í klakkistur og fá flök af reyktum laxi í staðinn enda er það þetta ræktunarstarf sem hefur skilað góðri veiði í ánni og háu hlutfalli stórlaxa. Fyrst við erum að nefna stórlaxa þá má nefna að í gær veiddust tveir 20 punda (100 sm) laxar í Eystri og komu þeir upp úr Bátsvaði og Tjarnarhyl. Í báðum tilfellum voru það erlendir veiðimenn sem settu í laxana undir leiðsögn leiðsögumanna við ánna. Stórlaxahlutfallið í ánni er búið að vera mjög gott í sumar og ennþá eru göngur af stórum fiski að koma í ánna eins hefur meira sést af eins árs laxi og er hann bara vel haldinn. Stangveiði Mest lesið Veiðin með Gunnari Bender: „Það er búið að vera hundleiðinlegt veður í Reykjavík“ Veiði Aðalfundur SVFR: Framboðsfrestur að renna út Veiði Bjarni gefur kost á sér áfram til formennsku SVFR Veiði Eldislaxar veiðast í mörgum ám Veiði Haustgöngurnar að byrja í Stóru-Laxá? Veiði Fiskifræðingur sakar verktaka um gróft brot Veiði 106 sm lax úr Haukadalsá Veiði Góðir vættir við Selá og Hofsá Veiði Árbót og Tjörn aftur með Nesveiðum Veiði Heimildarmynd um afleiðingar sjókvíaeldis Veiði
Veiðin í Eystri Rangá er feyknagóð þessa dagana og áin stefnir hraðbyri í 1000 laxa og á nóg inni enda besti tíminn í ánni í raun ekki ennþá kominn. Alls eru komnir 764 laxar á land í dag og það styttist í 100 laxa dagana en þeir koma oft í lok júlí. Síðan geta komið dagar þar sem veiðin fer vel yfir það og áður en veiðimenn settu stóru laxana í klakkisturnar var oft mikið að gera í veiðihúsinu þegar veiðimenn mættu með hundrað laxa sem þurfti að vigta og bóka. Því hefur verið mjög vel tekið af veiðimönnum að setja allan stórlax í klakkistur og fá flök af reyktum laxi í staðinn enda er það þetta ræktunarstarf sem hefur skilað góðri veiði í ánni og háu hlutfalli stórlaxa. Fyrst við erum að nefna stórlaxa þá má nefna að í gær veiddust tveir 20 punda (100 sm) laxar í Eystri og komu þeir upp úr Bátsvaði og Tjarnarhyl. Í báðum tilfellum voru það erlendir veiðimenn sem settu í laxana undir leiðsögn leiðsögumanna við ánna. Stórlaxahlutfallið í ánni er búið að vera mjög gott í sumar og ennþá eru göngur af stórum fiski að koma í ánna eins hefur meira sést af eins árs laxi og er hann bara vel haldinn.
Stangveiði Mest lesið Veiðin með Gunnari Bender: „Það er búið að vera hundleiðinlegt veður í Reykjavík“ Veiði Aðalfundur SVFR: Framboðsfrestur að renna út Veiði Bjarni gefur kost á sér áfram til formennsku SVFR Veiði Eldislaxar veiðast í mörgum ám Veiði Haustgöngurnar að byrja í Stóru-Laxá? Veiði Fiskifræðingur sakar verktaka um gróft brot Veiði 106 sm lax úr Haukadalsá Veiði Góðir vættir við Selá og Hofsá Veiði Árbót og Tjörn aftur með Nesveiðum Veiði Heimildarmynd um afleiðingar sjókvíaeldis Veiði