Aukinn kraftur kominn í göngurnar

Það er greinilega að komast smá kraftur í göngurnar á vatnasvæðinu hjá Hólsá og Rangánum því veiðimenn eru að setja í og sjá töluvert af grálúsugum laxi.

Rögnvaldur Örn Jónsson og Eggert Herbertsson skruppu í eina vakt í Hólsá í morgun og náðu 5 löxum á land sem voru 5-9 pund sem tóku allir flugu.  Það var mikið líf á svæðinu og augljóslega nokkuð af laxi að ganga sem eru svo sannarlega góðar fréttir fyrir þá sem eiga bókaða daga þarna á næstunni.  það er vaxandi straumur og veiðimenn bíða mjög spenntir eftir því að sjá hverju hann skilar í árnar en eins og greint hefur verið frá bíða menn eftir fyrstu stóru smálaxagöngunum í sumar.  Mikið vatn í ánum getur verið einn orsakavaldur að því að þær koma seint en það á þó ekki við í Rangánum þar sem þær eru frekar stöðugar í vatni þá sérstaklega Ytri Rangá.  Veiðin í Eystri ánni er að taka vel við sér og veiðin þar stendur í 160 löxum sem er alveg í fínu lagi því hún fer yfirleitt ekki á fullt fyrr en um og eftir stóra júlí strauminn og eftir hann gefur lax verið að ganga í hana og Ytri ánna alveg fram að veiðilokum.