Ekkert rætt um stöðu Halldórs á fundi Varðar

Ekkert var rætt um stöðu Halldórs Halldórssonar á fundi Varðar, fulltrúaráði Sjálfstæðisfélaganna í Reykjavík, í hádeginu. Ingvar Smári Birgisson, stjórnarmeðlimur Varðar og formaður Heimdallar, segir það aldrei hafa staðið til.

„Við ræddum aðeins um fjölmiðlafárið í morgun, en annars var þetta bara venjulegur, vikulegur fundur Varðar,“ segir Ingvar.

Stjórnarmeðlimir Varðar könnuðust ekkert við þá umræðu sem átt hefur sér stað í fjölmiðlum í morgun, en sagt var frá því í morgun að til stæði að ræða stöðu Halldórs Halldórssonar, oddvita flokksins í Reykjavík.

Samkvæmt fundarboði Varðar var málið ekki á dagskrá fundarins.