Cosmos: A Spacetime Odyssey byrjuðu í gær

Í gær var frumsýndur fyrsti þáttur hinnar nýju Cosmos seríu með stjarneðlisfræðingnum Neil deGrasse Tyson.

Þættirnir sem bera heitið Cosmos: A Spacetime Odyssey eru framhald hinna vinsælu þátta Carl Sagan, Cosmos: A personal Voyage sem gerðir voru 1980, nutu mikilla vinsælda og voru innblástur margra inn í vísindin.

Í fyrsta þættinum fer Tyson með áhorfendum í stutta kynningarferð um sólkerfið á ímynduðu geimskipi, sýnir okkur alheimsdagatalið og hvað maðurinn var ruglaður (sumir eru það enn) að halda að heimurinn væri skapaður fyrir hann.

Nýju þættirnir hefðu varla orðið að veruleika ef ekki hefði verið fyrir Seth MacFarlane, höfund Family Guy, sem framleiðir þættina. En Seth sagði sjálfur: „I'm at a point in my career where I have some disposable income ... and I’d like to spend it on something worthwhile.“

Fyrsti þátturinn af Spacetime Odyssey fylgir hér með af Youtube. Hann verður varla lengi þar.