Hraðbrautarpöbb!

Því hefur verið haldið fram að akstur bifreiða og áfengi fari ekki vel saman. Þessu virðast Bretar ekki alsendis sammála þar sem opnuð hefur verið hraðbrautarkrá við M40 hraðbrautina milli London og Birmingham.

Hún verður opin frá 4 síðdegis og til 1 eftir miðnætti alla 7 daga vikunnar. Það er ekki nokkur leið að komast frá kránni án bíls og því einsýnt að þeir sem gæða sér á áfengum drykkjum þar eru um leið undir áhrifum á þessari hraðbraut.

Að vonum er þessi opnun afar umdeild í Bretlandi um Umferðareftirlitið þar í landi er lítt hrifið af opnun þessarar kráar. Nógu slæmt er ástandið þar í landi hvað varðar áfengisdrykkju ökumanna. Banaslys þar sem ökumenn undir áhrifum eru gerendur eru alltof margir.

Athygli vekur að kráin var opnuð þrátt fyrir að aðeins 12% svarenda í könnun þar sem spurt var um stuðning við opnun hennar voru henni fylgjandi. Í nýlegum þætti Top Gear var opnun kráarinnar til umfjöllunar og fannst þáttastjórnendum  þetta afar umdeild ráðstöfun.