Sannleikurinn: ASÍ - Launþegar 14:17

Íslenska landsliðið í því að semja af sér keppti við launþega í síðustu umferð kjarasamninga Alþýðusambandsins við Samtök Atvinnulífsins í dag. Leikurinn var sýndur beint á heimasíðu ASÍ.

Leikurinn var jafn fyrstu mínútur fyrri hálfleiksins og skiptust aðildarfélög innan ASÍ á að samþykkja og hafna kjarasamningunum á víxl fram í stöðuna 6-6 en þá höfnuðu verkalýðsfélögin á Húsavík, Akureyri og í Vestmanneyjum samningnum og launþegar komust í 9-6. ASÍ náði forskotinu niður í 9-8 þegar VR samþykkti samninginn í æsispennandi sókn en þá kom góður kafli hjá launþegum sem juku forskot sitt í fimm hafnanir 16-11 og héldu sannfærandi forskoti út leikinn.

Gylfi Arnbjörnsson, þjálfari Alþýðusambands Íslands, var vonsvikinn með úrslitin í viðtali við fréttastofu en sagði engin skýr skilaboð koma út úr þessu tapi. 



Sannleikurinn rekur öfluga og óvæga fréttastofu þar sem engum er hlíft og sannleikurinn skiptir ekki höfuðmáli. Sannleikurinn er háður öllum stjórnmálaflokkum og hagsmunaaðilum um fréttaefni sitt. Fréttastofa Sannleikans hefur Facebook-síðu sem er tapar alltaf.