Saga Garðabæjar kostar um 70 milljónir Kjartan Atli Kjartansson skrifar 17. janúar 2014 08:00 Gunnar Einarsson bæjarstjóri telur verkið vera 70 milljónanna virði. Kostnaður við ritun sögu Garðarbæjar er kominn upp í um 64 milljónir króna. Ofan á þá upphæð bætist við prentkostnaður sem að sögn Gunnars Einarssonar, bæjarstjóra Garðabæjar, verður líklega í kringum sex milljónir króna. Heildarkostnaður ætti því að vera í kringum 70 milljónir. Sagan er skrifuð af Steinari J. Lúðvíkssyni rithöfundi. Hann vann að verkinu frá árinu 2006 til 2012. Alls eru launagreiðslur og launatengd gjöld við verkið 44,3 milljónir króna. Steinar skilaði verkinu af sér í desember árið 2011; Handrit upp á 3000 blaðsíður. Steinar hefur búið í Garðabæ í yfir 40 ár. Bókaútgáfan Opna var fenginn til þess að koma að verkinu árið 2011. Sigurður Svavarsson, annar aðaleigenda fyrirtækisins, sér um ritstjórn verksins og veitir efnislega ráðgjöf. Opna sér einnig um umbrot og útlit bókarinnar. Alls hefur Opna fengið 17,2 milljónir króna í greiðslur frá Garðabæ síðan samningur fyrirtækisins og bæjarins var undirritaður árið 2011, þegar Steinar Lúðvíksson skilaði af sér handritinu. Enn er óljóst hvort verkið verður gefið út í þremur eða fjórum bindum. Minnihlutinn í bæjarstjórn hefur gagnrýnt ýmsa hluti er snúa að framkvæmd verksins. Bent hefur verið á háan kostnað, langan tíma sem vinnsla verksins hefur tekið og hafa fulltrúar M-Listans, Lista Fólksins, bent á að útboðsreglur hafi verið brotnar. Ef kostnaði verksins yrði dreift á hvern íbúa Garðabæjar, að meðtöldum Álftnesingum sem nýlega sameinuðust Garðbæingum, yrði það rétt rúmar fimm þúsund krónur á mann. Gunnar Einarsson bæjarstjóri„Peningum vel varið“ Gunnar Einarsson bæjarstjóri er ánægður með verkið og telur upphæðina ekki mikla þegar tekið sé tillit til þess hversu umfangsmikið það sé. „Að eiga söguna svona frá upphafi jafn vandaða og hún er, skiptir okkur miklu máli. Mér finnst peningnum vel varið í þetta verk,“ útskýrir Gunnar. Hann heldur áfram: „Að sjálfsögðu er hægt að setja þetta í samhengi við eitthvað annað og finnast þetta dýrt. En þetta verk er bæði veigamikið og vel unnið. Það þarf að skoða þetta út frá því." Hann segir mikla vinnu hafa farið í verkið og hrósar Steinari J. Lúðvíkssyni fyrir ritstörfin. „Steinar þekkir ákaflega vel til Garðabæjar, gjörþekkir hvern einasta mann hérna. Þetta verk hefur tekið langan tíma – kannski ekkert sérstaklega langan tíma í samanburði við önnur svipuð verk – og mikið hefur verið lagt í þetta. Ef við horfum á þessa þætti, þá finnst mér upphæðin ekkert sérstaklega mikil.“ Að sögn Gunnars var Steinar ráðinn árið 2006 og voru laun framhaldsskólakennara notuð sem viðmið í launagreiðslum til hans. Gunnar segir það ekki skipta stóru máli að Steinar sé ekki með sagnfræðimenntun. „Nei, Steinar er reynslumikill á þessu sviði og hefur skrifað fjölda bóka. Guðlaugur Rúnarsson sagnfræðingur fór yfir heimildir og annað, þar er aðkoma sagnfræðings,“ útskýrir Gunnar. Hann segir bæjaryfirvöld hafa gert verðkönnun á ritstjórn, efnislegri ráðgjöf og umbroti bókarinnar. Upphaflega hafi Forlagið komið best út úr þeirri könnun en síðan dregið sig út. Þá hafi Bókaútgáfan Opna verið valin og hrósar Gunnar starfsmönnum þess fyrir vel unnin störf. Verkið fór fram úr upphaflegri fjárhagsáætlun, en Gunnar segir að taka þurfi mið af því að umfang verksins jókst eftir að hafist var handa við heimildaöflun og skrif. „Við gerðum nýjar áætlanir árlega og þær stóðust.“ Gunnar segir að útgáfan fari að bresta á. „Við vonumst til þess að ná ákveðnum tekjum upp í kostnaðinn með sölu bókarinnar. Við stefnum einnig að því að gera verkið aðgengilegt á rafrænan hátt. Einnig ætlum við að nota það í skólakerfinu. Vinna úr því verkefni og próf. Fræða ungmenni bæjarins um söguna. Við hlökkum bara til þess að fá verkið í hendurnar,“ segir bæjarstjórinn.Steinþór Einarsson, fulltrúi Samfylkingarinnar í bæjarstjórn segir verkið hafa tekið langan tíma.„Hefur tekið langan tíma“Steinþór Einarsson bæjarfulltrúi Samfylkingarinnar telur verkið hafa tekið langan tíma. „Verkið er umfangsmikið en það hefur tekið langan tíma að klára þetta,“ segir Steinar. Hann telur það ekki máli skipta að verkið sé ekki skrifað af sagnfræðingi. „Steinar þekkir vel til Garðabæjar. Það var enginn ágreiningur um hann.“ Mest lesið Grunaður hraðbankaþjófur nennti ekki með austur nóttina örlagaríku Innlent Mannskæð skotárás í skóla í Bandaríkjunum Erlent Glímdi við veikindi fyrir andlátið sem breyttu persónuleika hans Innlent Ekki séð neitt þessu líkt á sínum fjörutíu ára ferli Innlent Til skoðunar að flytja Sjálfstæðisflokkinn úr Valhöll Innlent Stefna Open AI vegna sjálfsvígs sonarins Erlent Supu hveljur á fundi með ráðherra á Egilsstöðum Innlent Er við góða líkamlega heilsu en heilinn að „bregðast honum“ Erlent Raðsundlaugarkúkari gengur laus í Oulu Erlent Kynna drög að nýrri stefnu í heilbrigðismálum Innlent Fleiri fréttir Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Hraðbankinn fannst á Hólmsheiði Sjá meira
Kostnaður við ritun sögu Garðarbæjar er kominn upp í um 64 milljónir króna. Ofan á þá upphæð bætist við prentkostnaður sem að sögn Gunnars Einarssonar, bæjarstjóra Garðabæjar, verður líklega í kringum sex milljónir króna. Heildarkostnaður ætti því að vera í kringum 70 milljónir. Sagan er skrifuð af Steinari J. Lúðvíkssyni rithöfundi. Hann vann að verkinu frá árinu 2006 til 2012. Alls eru launagreiðslur og launatengd gjöld við verkið 44,3 milljónir króna. Steinar skilaði verkinu af sér í desember árið 2011; Handrit upp á 3000 blaðsíður. Steinar hefur búið í Garðabæ í yfir 40 ár. Bókaútgáfan Opna var fenginn til þess að koma að verkinu árið 2011. Sigurður Svavarsson, annar aðaleigenda fyrirtækisins, sér um ritstjórn verksins og veitir efnislega ráðgjöf. Opna sér einnig um umbrot og útlit bókarinnar. Alls hefur Opna fengið 17,2 milljónir króna í greiðslur frá Garðabæ síðan samningur fyrirtækisins og bæjarins var undirritaður árið 2011, þegar Steinar Lúðvíksson skilaði af sér handritinu. Enn er óljóst hvort verkið verður gefið út í þremur eða fjórum bindum. Minnihlutinn í bæjarstjórn hefur gagnrýnt ýmsa hluti er snúa að framkvæmd verksins. Bent hefur verið á háan kostnað, langan tíma sem vinnsla verksins hefur tekið og hafa fulltrúar M-Listans, Lista Fólksins, bent á að útboðsreglur hafi verið brotnar. Ef kostnaði verksins yrði dreift á hvern íbúa Garðabæjar, að meðtöldum Álftnesingum sem nýlega sameinuðust Garðbæingum, yrði það rétt rúmar fimm þúsund krónur á mann. Gunnar Einarsson bæjarstjóri„Peningum vel varið“ Gunnar Einarsson bæjarstjóri er ánægður með verkið og telur upphæðina ekki mikla þegar tekið sé tillit til þess hversu umfangsmikið það sé. „Að eiga söguna svona frá upphafi jafn vandaða og hún er, skiptir okkur miklu máli. Mér finnst peningnum vel varið í þetta verk,“ útskýrir Gunnar. Hann heldur áfram: „Að sjálfsögðu er hægt að setja þetta í samhengi við eitthvað annað og finnast þetta dýrt. En þetta verk er bæði veigamikið og vel unnið. Það þarf að skoða þetta út frá því." Hann segir mikla vinnu hafa farið í verkið og hrósar Steinari J. Lúðvíkssyni fyrir ritstörfin. „Steinar þekkir ákaflega vel til Garðabæjar, gjörþekkir hvern einasta mann hérna. Þetta verk hefur tekið langan tíma – kannski ekkert sérstaklega langan tíma í samanburði við önnur svipuð verk – og mikið hefur verið lagt í þetta. Ef við horfum á þessa þætti, þá finnst mér upphæðin ekkert sérstaklega mikil.“ Að sögn Gunnars var Steinar ráðinn árið 2006 og voru laun framhaldsskólakennara notuð sem viðmið í launagreiðslum til hans. Gunnar segir það ekki skipta stóru máli að Steinar sé ekki með sagnfræðimenntun. „Nei, Steinar er reynslumikill á þessu sviði og hefur skrifað fjölda bóka. Guðlaugur Rúnarsson sagnfræðingur fór yfir heimildir og annað, þar er aðkoma sagnfræðings,“ útskýrir Gunnar. Hann segir bæjaryfirvöld hafa gert verðkönnun á ritstjórn, efnislegri ráðgjöf og umbroti bókarinnar. Upphaflega hafi Forlagið komið best út úr þeirri könnun en síðan dregið sig út. Þá hafi Bókaútgáfan Opna verið valin og hrósar Gunnar starfsmönnum þess fyrir vel unnin störf. Verkið fór fram úr upphaflegri fjárhagsáætlun, en Gunnar segir að taka þurfi mið af því að umfang verksins jókst eftir að hafist var handa við heimildaöflun og skrif. „Við gerðum nýjar áætlanir árlega og þær stóðust.“ Gunnar segir að útgáfan fari að bresta á. „Við vonumst til þess að ná ákveðnum tekjum upp í kostnaðinn með sölu bókarinnar. Við stefnum einnig að því að gera verkið aðgengilegt á rafrænan hátt. Einnig ætlum við að nota það í skólakerfinu. Vinna úr því verkefni og próf. Fræða ungmenni bæjarins um söguna. Við hlökkum bara til þess að fá verkið í hendurnar,“ segir bæjarstjórinn.Steinþór Einarsson, fulltrúi Samfylkingarinnar í bæjarstjórn segir verkið hafa tekið langan tíma.„Hefur tekið langan tíma“Steinþór Einarsson bæjarfulltrúi Samfylkingarinnar telur verkið hafa tekið langan tíma. „Verkið er umfangsmikið en það hefur tekið langan tíma að klára þetta,“ segir Steinar. Hann telur það ekki máli skipta að verkið sé ekki skrifað af sagnfræðingi. „Steinar þekkir vel til Garðabæjar. Það var enginn ágreiningur um hann.“
Mest lesið Grunaður hraðbankaþjófur nennti ekki með austur nóttina örlagaríku Innlent Mannskæð skotárás í skóla í Bandaríkjunum Erlent Glímdi við veikindi fyrir andlátið sem breyttu persónuleika hans Innlent Ekki séð neitt þessu líkt á sínum fjörutíu ára ferli Innlent Til skoðunar að flytja Sjálfstæðisflokkinn úr Valhöll Innlent Stefna Open AI vegna sjálfsvígs sonarins Erlent Supu hveljur á fundi með ráðherra á Egilsstöðum Innlent Er við góða líkamlega heilsu en heilinn að „bregðast honum“ Erlent Raðsundlaugarkúkari gengur laus í Oulu Erlent Kynna drög að nýrri stefnu í heilbrigðismálum Innlent Fleiri fréttir Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Hraðbankinn fannst á Hólmsheiði Sjá meira