Gengið frá leigu á Mýrarkvísl

Þær halda áfram að berast fréttirnir af útboðsmálum laxveiðiánna og ekki er útséð ennþá með að öll kurl séu komin til grafar ennþá en óvissa er um áframhald leigumála í nokkrum ám.

Svo koma góðar fréttir af leigumálum áa sem margir veiðimenn halda mikið upp á en ein af þeim er Mýrarkvísl.  Áin er fjölbreytt og skemmtileg sem gerir hana ákaflega gefandi sem veiðiá, en það var þó ekki nóg til að koma henni út í útboði í fyrra.  Núna hefur áin hins vegar ratað í góðar hendur hjá Þeim Jónasi Jónssyni og Mattíasi Þór Hákonarsyni sem meðal annars reka verslanirnar Veiðivörur.  Áin er leigð til þriggja ára og það verður eingöngu veitt á flugu.

Það er von að nú verði hægt að komast í þessa skemmtilegu á aftur en hún var lokuð í fyrra þegar útboðið gekk ekki eftir sem skildi.  Á næstu vikum á svo eftir að skýrast með framhald leigumála í nokkrum ám en fyrr en það skýrist verða engar getgátur settar á prent með útkomu þeirra samninga.