Fréttir frá Rússlandi síðastliðið ár hafa einkennst af ofangreindum atriðum. Þar hefur verið sérstaklega áberandi skipulagt ofbeldi og misþyrmingar á hommum.
Ástandið versnaði til muna eftir að sett voru þar lög sem gerðu svokallaðan samkynhneigðan áróður ólöglegan.
Þá eru þar ákveðnir öfgahópar sem hafa tekið lögin mjög bókstaflega. Samtök nýnasista hafa til að mynda verið mjög dugleg við að elta uppi rússneska homma til þess eins að misþyrma og pynta þá fyrir framan myndavélar. Myndskeiðum er síðan hlaðið upp á netið fyrir heiminn til að sjá.

Samtökin hafa verið til í Rússlandi í rúm 20 ár og eru líka annars staðar í heiminum. Þó er hreyfingin stærst í Rússland og þá sérstaklega í Moskvu, þar sem hún telur um 1.500–1.700 meðlimi.
Þetta kann að koma sem þyrnir í augu margra lesenda okkar þar sem Adolf Hitler lét handtaka á árunum 1933–1945 um það bil hundrað þúsund homma og lesbíur. Þar af enduðu 5000–15000 í útrýmingarbúðum. Þetta virðist ekki trufla meðlimi samtakanna og tala þau um að það sé í raun ekkert sem að standi á móti því að karlmenn séu með öðrum karlmönnum, svo lengi þeir séu hvítir og frá Rússlandi.
Samtökin berjast fyrir réttindum samkynhneigðra þar í landi og gera það í samvinnu við önnur samtök sem eiga í sömu baráttu. Þau segjast berjast gegn óréttlæti og mismunun samkynhneigðra. En um leið mismuna þau sjálf af sama krafti þeim sem ekki eru hvítir á hörund. Þetta telja samtökin ekki vera tvöfalt siðgæði þar sem hlutirnir séu alfarið ótengdir að þeirra mati.
Samkvæmt viðtali við einn af meðlimum samtakanna sem Vice Magazine tók á dögunum þá eru meðlimir samtakanna mikið fyrir karlmennsku. Eru þeir flestir heillaðir af BDSM senunni þar sem margir þeirra eiga sér jafnvel sinn eigin kynlífsþræl. Þá finnst þeim ekki leiðinlegt að klæða sig upp í leður og hefja karlmennskuna upp til hæstu hæða.
Hér má sjá viðtal sem blaðamaður Vice tók við einn af meðlimum Samkynhneigðra Aría.