Chevrolet selt 500 bíla á árinu

Bílabúð Benna náði þeim áfanga í síðustu viku að afhenda fimmhundraðasta Chevrolet bílinn á þessu ár. Það er meira magn en skráð var af Chevrolet allt árið 2012. Chevrolet er þriðja söluhæsta vörumerki landsins, hvort sem litið er til heildarsölu eða sölu til almennings, með 8,4% markaðshlutdeild.

"Við erum gríðarlega ánægð með árangurinn hér á bæ og erum að auka hlutdeild Chevrolet umtalsvert milli ára. Við höfum fundið greinilega fyrir auknum vinsældum Chevrolet síðustu árin og að viðskiptavinir kunna vel að meta hönnun þeirra og gæði ", segir Benedikt Eyjólfsson hjá Bílabúð Benna.