Ford Mondeo selst vel í BNA

Samkeppnin í millistærðarflokki fjölskyldubíla í Bandaríkjunum er hörð og þar eru fyrir bílar eins og Toyota Camry, Honda Accord og Nissan Altima sem oft hafa vermt efstu sæti allra bílgerða þar vestra. Langmest er þó söluaukning Ford Mondeo í þessum flokki og hefur salan Mondeo aukist um 22% frá fyrra ári. Því er lagarstaðan orðin ansi lág hjá Ford á bílnum sem gæti hamlað frekari aukningu í sölu, en vinsældir hans nú hafa aldrei verið meiri.

Ford hefur framleiðslugetu uppá 400.000 Mondeo bíla á ári, en ætlar seinna á árinu að bæta við 80.000 bíla framleiðslu í Flat Rock verksmiðju sinni til að hafa við eftirspurninni. Hver veit nema Ford Mondeo eigi eftir að skáka Camry, Accord og Altima á þessu ári í sölu í landi bílanna.